12星座最體貼情人排行榜!

by Text : 占星師Jupiter (www.magiclife.com.hk)

12星座, 十二星座, 情人, 排行榜

好多人都想要個體貼嘅情人,當你有需要時,總係喺你身邊,又或者好容易就了解你想要啲咩,唔使講出口就自動做啲令你窩心嘅事。12星座當中,邊個係最體貼情人?

第1名:雙魚座

雙魚座細心又敏感,總係將另一半放喺重要位置,對方嘅一個表情、一句說話,雙魚已經懂得對方嘅心意,並盡量去滿足,加上雙魚溫柔嘅力量,令人覺得好貼心舒服。雙魚亦比較會遷就對方,體貼得令情人覺得飄飄然。

第2名:巨蟹座

巨蟹座也是相當敏感,而且好識照顧人。非常容易察覺到情人嘅需要,並會好好照顧,特別喺日常生活中,食嘅著嘅都會照顧周到。將對方照顧得好好,巨蟹自己就會覺得好滿足,有時甚至忘記咗照顧自己。

<<心理測驗:你的愛情最需要甚麼?>>

12星座, 十二星座, 情人, 排行榜

第3名:處女座

唔好以為處女座平日尖酸刻薄,說話句句都么心么肺。其實處女座相當細心,從日常嘅觀察相處中,已經好了解情人嘅心意同需要。雖然唔會講啲咩甜言蜜語,但知道對方鍾意啲咩,亦會以行動去做啲令對方開心嘅事。

第4名:天蠍座

天蠍座看似好cool,感情收收埋埋,但當佢認定對方係自己所愛,就會好深情,全心全意咁去為對方付出。除咗日常生活,天蠍最強就係情感上嘅體貼,尤其當你心情不好時,佢會好了解你嘅感受,會喺你身邊安慰你。

12星座, 十二星座, 情人, 排行榜

第5名:金牛座

金牛座有時的確悶悶地,又唔識花言巧語,但對另一半不但忠心,更會默默地做啲讓對方窩心嘅事,例如花心機整啲美食,又或者買一份對方恨咗好耐嘅禮物。不過金牛有時比較遲鈍,最好俾足貼士俾佢知道你鍾意啲乜,唔好要佢估估下。

第6名:天秤座

天秤座比較懂得跟別人相處,總係會了解到對方嘅心意、喜好。天秤當然會做啲浪漫事討你歡心,不過天秤係比較理性,亦鍾意講道理,有啲事明知你鍾意,但佢可能覺得唔合理,又或者佢自己唔鍾意做,都未必會為你付出。

12星座, 十二星座, 情人, 排行榜

第7名:獅子座

獅子座對情人慷慨又熱情,會盡量將最好嘅俾你,令你覺得受到重視。不過獅子座份人都係鍾意做話事嗰個,佢自己鍾意就會加諸喺別人身上。佢係有心對你好,不過唔一定係你最想要嘅方式或你鍾意嘅事情,感覺似滿足佢自己多啲。

第8名:雙子座

雙子座份人其實無乜所謂,所以你鍾意啲咩,佢都比較容易遷就或妥協。但其實雙子有時俾人嘅感覺好輕浮、甚至馬馬虎虎,有時寧願走去玩或者搵朋友,都未必會理會另一半,講到貼心情人,雙子都係唔多高分。

12星座, 十二星座, 情人, 排行榜

第9名:白羊座

白羊座似一個一直向前衝嘅武士,會努力咁保護你,令你有安全感。但講到係咪貼心,白羊其實幾自我中心,好多時自己想做啲咩就去做,唔會去顧及別人。所以做白羊嘅情人,往往係你去配合佢,而唔係佢嚟滿足你。

第10名:人馬座

人馬座出名係粗心大意,或者你已經明示、暗示自己鍾意啲咩,佢可能仲係傻更更嘅唔察覺;又或者應承為你做嘅事,轉頭又忘記咗;甚至對於你鍾意嘅嘢,佢會唔覺意整爛,的確好唔細心、貼心,但佢勝在夠樂觀,同佢一齊係會開心嘅。

12星座, 十二星座, 情人, 排行榜

第11名:水瓶座

水瓶座有時真係冷漠到好似一塊冰,唔好話貼心,有時你想佢關心一下、氹下你,佢都可能只會勉強講幾句,甚至反過來取笑你,唔俾佢激死已經好好。聰明嘅水瓶其實心入面知道你想點、你鍾意啲咩,只係好多時佢偏偏唔會做呢啲貼心事而已。

第12名:山羊座

如果水瓶座係一塊冰,咁山羊座就係一塊石頭,其實真係無乜情趣,而對於你嘅需要,敏感度低嘅他未必輕易明白,就算你講到出口,佢都可能會計算一下,然後話你知嗰個係不切實際或無用處,令人有撞牆嘅感覺。

<<同完美主義者拍拖4大注意事項!>>

LOAD MORE