米奇復活蛋!迪士尼樂園首個「花蛋節」

by Tina Chong

為咗慶祝開幕10周年,香港迪士尼將會喺3月17日至5月29日期間舉行首個「迪士尼花蛋節」,到時會有過百隻花蛋遍佈樂園嘅七大園區,其中仲有超過70隻係由迪士尼朋友化身而成添啊!

香港迪士尼, 週末好去處, 復活節, 迪士尼花蛋節

香港迪士尼, 週末好去處, 復活節, 迪士尼花蛋節

大家可以根據樂園嘅地圖去尋蛋, 如果想搵《玩轉腦朋友》嘅阿樂同阿愁花蛋,行美國小鎮大街嘅時候要留意啦;至於想搵《星球大戰》嘅Darth Vader、風暴兵、C-3PO、R2-D2同近排hit爆嘅BB-8,就要留意明日世界啦!仲有其他迪士尼卡通人物嘅花蛋架,小編喺度為大家講聲加油,希望大家成功尋蛋!

平時去親迪士尼一定有唔少影相位。而喺花蛋節期間,米奇同一眾好友都會以全新造型亮相,呢啲服飾仲要係香港迪士尼獨有架,因為服飾系列以香港地道特色作為主題。

香港迪士尼, 週末好去處, 復活節, 迪士尼花蛋節

香港迪士尼, 週末好去處, 復活節, 迪士尼花蛋節

例如米奇嘅服裝就以香港傳統帆船做主題,設計上運用咗獨特嘅水彩技巧!至於米妮就換上以洋紫荊作主題嘅服飾,服裝上仲有花飾作點綴,既高貴又大方。

香港迪士尼, 週末好去處, 復活節, 迪士尼花蛋節

香港迪士尼, 週末好去處, 復活節, 迪士尼花蛋節

喺迪士尼10周年期間,《大英雄聯盟》嘅醫神同《小公主蘇菲亞》嘅蘇菲亞都會首次喺樂園同大家見面,大家可以分別喺美國小鎮大街嘅「動畫藝術廊」同幻想世界嘅「童話藝坊」外搵到佢哋架!

香港迪士尼, 週末好去處, 復活節, 迪士尼花蛋節

今年同時亦都係徽章交換同樂日嘅10周年,樂園商店將會喺2016年4月8日至10日期間推出期間限定嘅迪士尼徽章,當中部分仲係近年深受歡迎嘅TSUM TSUM系列!

香港迪士尼, 週末好去處, 復活節, 迪士尼花蛋節

小編身邊唔少朋友都係「奇妙處處通」嘅會員,由即日起至7月20日期間,「奇妙處處通」嘅會員可享有「好友同行」優惠*,以每位賓客$328嘅價錢帶埋好友一齊去!喺「迪士尼花蛋節」活動期間,會員仲可以由3月中開始每星期去樂園換取一款珍藏版迪士尼花蛋添,全套一共有6款架!

*優惠期間,白金卡會員每天最多可帶4位朋友一同入園、金卡會員最多3位、銀卡會員則最多2位。

香港迪士尼樂園「迪士尼花蛋節
日期:2016年3月17日至5月29日
門票價格:
標準門票(12至64歲):港幣$539/一日
小童門票(3至11歲):港幣$385/一日
長者門票(65歲或以上):港幣$100/一日

LOAD MORE