啖啖龍蝦肉!add@Prince「龍蝦美饌」自助晚餐

by Tina Chong,edited by韋寶

平時食龍蝦,唔係用上湯燴就係用芝士去焗,想食到特別一啲、又有唔同煮法嘅龍蝦?小編有個推介!

太子酒店add@Prince由即日起至2016年4月30日期間推出以新鮮龍蝦為主題嘅「龍蝦美饌」自助晚餐,每晚都會炮製十幾款唔同風味嘅龍蝦菜式,鍾意食龍蝦嘅你又點可以錯過啊?

自助晚餐, 自助餐, 龍蝦,add@Prince,太子酒店,任食,推介,好食

大廚特別選用肉質鮮甜嘅波士頓龍蝦創作出多款沙律,包括龍蝦牛油果三文魚籽沙律、龍蝦草莓青瓜沙律或龍蝦蜜瓜沙律配巴馬火腿等,每晚輪流供應,啱晒愛清新嘅龍蝦控。

自助晚餐, 自助餐, 龍蝦,add@Prince,太子酒店,任食,推介,好食

除此之外,以小湯匙裝住嘅冷盤:龍蝦煙鴨胸配芒果醬、龍蝦蟹肉沙律配咖喱沙律醬或龍蝦三文魚他他配酸忌廉,賣相非常精緻,小編就最鍾意細細啖嘅設計,因為可以試多啲唔同嘅美食呀!


此外,酒店嘅印度籍大廚為大家炮製咗喺印度非常受歡迎嘅印式龍蝦咖喱,味道香辣,非常惹味。

自助晚餐, 自助餐, 波士頓龍蝦, 龍蝦,add@Prince,太子酒店,任食,推介,好食

至於由泰國廚師主理嘅泰式烤龍蝦,就首先將新鮮龍蝦烤熟,再加入秘製醬汁調味,充滿泰國風味!

自助晚餐, 自助餐, 波士頓龍蝦, 龍蝦,add@Prince,太子酒店,任食,推介,好食

你仲可以根據自己嘅喜好配搭食材,等大廚即時炮製心水嘅龍蝦麵食俾你,推介有龍蝦配番茄乾及洋蔥甜椒菠菜麵!自助餐同時亦有冰鎮龍蝦、琵琶蝦同小龍蝦等選擇,仲有龍蝦湯或健康又美味嘅龍蝦蟲草花燉海螺添啊!

<<閱讀更多>>編輯推介:龍蝦蜜糖主題afternoon tea!

自助晚餐, 自助餐, 波士頓龍蝦, 龍蝦


優惠 :

淑女禮遇 : 凡喺星期一惠顧add@Prince嘅自助晚餐,每位女士都可以免費獲贈一客杏汁燕窩燉蛋白,滋潤得嚟又養顏!

而小朋友就享有小寶貝優惠*,凡惠顧自助晚餐,同行嘅3至8歲小朋友可享免費優惠(最少兩位成人惠顧,每檯最多兩位同行兒童可享小寶貝優惠);而9至11歲嘅小童則可尊享成人半價優惠,係一家大細食自助餐嘅好選擇!

*小寶貝優惠不可與其他優惠同時使用

add@Prince

訂座電話:2113 6046

地址:尖沙咀海港城太子酒店3樓

供應時間:晚上6時30分至10時

費用:

星期日至四:成人($478)、3至8歲小童(免費*,請看註解)、9至11歲小童(原價:$278;優惠價:$239*)

星期五、六、公眾假期及前夕:成人($518)、3至8歲小童(免費*,請看註解)、9至11歲小童(原價:$298;優惠價:$259*)

*最少兩位成人惠顧,每檯最多兩位同行兒童可享小寶貝優惠。小寶貝優惠不可與其他優惠同時使用。

<<閱讀更多>>真材實料!啖啖肉龍蝦包+蟹肉包

 

LOAD MORE