解開敏感皮膚的4大疑惑!

by lulu T.

敏感肌膚, 敏感皮膚, 乾燥肌膚

又開始轉季了!皮膚容易敏感嘅人最煩惱。即使平常無啲咩大問題嘅皮膚,遇上時冷時熱,時而乾燥時而潮濕嘅天氣,皮膚亦會出現唔穩定嘅狀況。但到底何謂「敏感」?同「過敏」係一樣嗎?所有標示「敏感性皮膚專用」嘅護膚品都合用嗎?一年四季都要用?知多一點點,先可以正確保護敏感肌膚。

敏感肌膚, 敏感皮膚, 乾燥肌膚

疑惑1:敏感還是過敏?

敏感同過敏,好多人都混淆咗,以為係同一件事,其實兩者起因唔同,雖然症狀相似,但處理方法同要注意嘅地方卻各有不同。

敏感:
起因於皮膚神經系統對刺激物嘅過度反應而產生皮膚不適症狀。敏感係一種狀態,皮膚薄而脆弱、毛細血管顯露,容易發紅,且呈不均勻潮紅,時有痕癢同小紅疹出現。敏感又分先天同後天,前者主要同遺傳及體質有關;後者主要受保養不當、濫用化妝品、太陽暴曬、風沙吹打、換膚等因素影響。

敏感性皮膚應避免食用容易引起過敏的食物、使用藥物和化妝品等,又要避免接觸熱同電流等刺激,不要過度磨擦,防止紫外線照射。

過敏:
起因於免疫系統對過敏源嘅過度反應,例如食物、氣候、藥物、動植物等。過敏係一種症狀,皮膚過敏時皮膚會充血、發紅、發癢、出現紅疹甚至過敏性面皰,嚴重者更會脫皮、水腫。一旦發生過敏情況,必須先搞清楚過敏嘅原因,遠離過敏源,最重要係調節免疫力,改善自身過敏體質。

敏感肌膚, 敏感皮膚, 乾燥肌膚

疑惑2:護膚品中有甚麼成分容易引起皮膚敏感?

以下護膚成分係容易引起敏感嘅化學物質,購買產品前要先喺外包裝上查看清楚,敏感皮膚要避免使用:

-Alcohol(酒精)
-Bronopol(溴硝丙二醇)
-Sorbic acid(山梨酸)
-Parabens(防腐劑)
-Fragrance(香料)。

敏感肌膚, 敏感皮膚, 乾燥肌膚

疑惑3:所有標示「敏感性皮膚專用」嘅護膚品都可以改善敏感嗎?

不一定。一般保養產品標示「敏感性皮膚專用」,只是表示通常使用時皮膚發生敏感或不適嘅機率會較低,或不含敏感成分,不易引起敏感,但並不代表能有效改善及紓緩皮膚敏感現象。是否能「改善」膚質,就要仔細睇清楚成分同產品說明。

敏感肌膚, 敏感皮膚, 乾燥肌膚

疑惑4:若皮膚唔係經常性敏感,係咪只係喺換季時使用敏感性皮膚專用嘅護膚品就得?

現今氣候變化無常,日常進出室內外嘅溫差又大,以致一年四季每日都係皮膚敏感好發期,因此敏感性皮膚專用嘅護膚品應該全年使用,可避免皮膚產生敏感症狀。

LOAD MORE