5招克服睇牙醫恐懼症!

by juju

牙醫, 牙科, 健康,生活, 生活tips,生活貼士,牙齒健康

好多人都好怕睇牙醫,明嘅,坐喺度對住啲陌生嘅儀器、仲要擘大個口、聽住啲儀器聲響……但係逃避都唔係辦法,對口腔健康無益,不妨試下呢幾個方法,睇下可唔可以幫你紓緩到緊張嘅心情:

1. 如果自己無相熟嘅牙醫,最好就係請啲同你差唔多驚嘅親戚朋友介紹,對於呢啲佢哋自己都好緊張嘅嘢,應該會有好介紹。

2. 如果你已經好耐無睇過牙醫,你對牙醫診所嘅恐懼可能仲停留喺科技較落後嘅年代,其實而家啲儀器進步咗好多,啲工具都小巧咗,睇落無咁可怕,見牙醫時最好同佢坦白溝通,話佢知你驚啲乜,俾機會佢同你解釋多啲,以減輕疑慮。


牙醫, 牙科, 健康,生活, 生活tips,生活貼士,牙齒健康

3. 問下牙醫可唔可以俾你朋友陪埋你入去,有個信得過嘅人喺身邊,可以減輕不安感,怕尷尬的話,請朋友坐遠少少,俾你知道佢嘅存在就夠架喇。

4. 分散注意力:而家好多牙醫診所都有提供音樂、電影播放,無錯,你坐喺度係無乜心情睇同聽架啦,但係都要叫自己照睇,點都有啲分散注意力嘅作用㗎!如果你見到啲儀器會好驚,就合埋眼,自己諗下第二啲嘢,例如今晚睇咩戲?下個月去邊度旅行好?

5. 睇密啲!:呢招並唔係要你以毒攻毒,而係檢查得密啲,就唔使次次等到牙齒出現大問題先處理,心理負擔自然都會輕啲啦!

LOAD MORE