嬌小女生的10個快樂與哀愁!

by 韋寶

生活,趣事,得意,funny,搞笑

由細到大排隊總係排喺前排嘅小編,對於生得細細粒呢件事真係又愛又恨,因為有時覺得自己好幸福,但有時又好羨慕「高個子」!

嬌小女生的快樂

1.坐廉航個位幾細幾窄都好,一定唔會頂住隻腳。而且睇戲時永遠唔使企起身俾人過,只要縮埋隻腳就得。

2. 生得細粒,就算只係拎住一塊紙皮,一個膠筒,只要係一啲體積較大嘅嘢,人哋都會覺得你拎住嘅嘢好重,甚至想幫你拎。

生活,趣事,得意,funny,搞笑

3. 大叫一聲:「我唔夠高拎呀!」,就會有「高個子」嚟幫忙。

4. 寒風中,朋友們圍咗個圈包圍住你,就算擋唔到風,個心都好warm。

有哀愁嘅時候!

 

生活,趣事,得意,funny,搞笑

5. 無論男仔定女仔都會想保護你,好似地鐵煞車咁,第一個都係扶住你先。

嬌小女生的哀愁

6. 唔係全部長裙/連身長裙都著到,因為著咗會顯得自己更細粒,又或者好多時條裙太長了。亦唔可以著太高嘅高踭鞋,因為個身形比例睇起上嚟怪怪的。

 

生活,趣事,得意,funny,搞笑

7. 細個讀書時一定係排頭三行,影相嗰陣亦一定企喺前排--高嘅前面,更高嘅企後面。大個之後呢個情況不變,由於好多時要企喺前排影相,有時塊面會影到好似pizza面。(灰)

8. 同高個子講嘢時總係要抬起頭,時間耐嘅話,真係好累架。

 

生活,趣事,得意,funny,搞笑

9. 搭地鐵時,人迫嗰陣總係處於高個子嘅腋下位置,夏天時聞到正一正⋯⋯情況同小朋友處於大人嘅pat pat位一樣咁慘。有時想扶個處於高處嘅扶手,又會「扯住」腋下位置,超辛苦。

10. 同人影相,如果側邊嗰兩個都係高個子,影出嚟自己就會凹咗落去⋯⋯嗚嗚⋯⋯

CG! Reminds U
雖然生得嬌小會帶來一啲唔方便嘅地方,有時仲會有灰爆嘅感覺,不過真心愛你嘅人係唔會介意嘅,所以自己都唔使咁介懷啊!=P

<<健康TIPS>>不能忽視!3個不良坐姿

LOAD MORE