12星座最難頂的缺點

by Text : 占星師Jupiter (www.magiclife.com.hk)

12星座, 十二星座, 性格分析

每個人都有自己嘅性格同特質,有強項亦自然有難頂嘅地方,不同星座嘅缺點都不一樣,了解下自己可以有幾難頂,或學習對身邊嘅人寬容啲。

白羊座

白羊座直率可愛,不過亦因為呢份真性情,佢嘅脾氣真係好似炸彈咁,好容易焦燥、動怒,忍耐力很低,一有脾氣就會立即爆發,完全唔會理會別人嘅感受,嚴重嘅話甚至會有暴力傾向。

金牛座

金牛座性格其實幾平和,有唔開心、不滿亦會盡量忍耐,雖然幾好相處,但唔好以為佢好就得人。所謂「死牛一便頸」,金牛座死牛一邊頸固執往往令人受不了,對於佢堅持嘅事,無論你點樣講道理、商討、解釋,講到氣咳都唔可以令佢接受同明白。

12星座, 十二星座, 性格分析

雙子座

跟雙子座聊天,你可能會覺得好有趣,佢總有不同嘅話題,但如果你開始認真咁對待,咁你就輸啦。佢講嘅說話好動聽,但不一定係事實; 佢答應你嘅事情,可能只是隨口應承,到頭來唔會做到。最難頂嘅就係佢嘅順口開河,不能盡信。

巨蟹座

巨蟹座的確很關心別人,見到別人有需要,總會用心幫忙。不過幫還幫,有時實在太過火,別人可能根本不需要他插手,但他總是覺得「為你好」才幫你,讓人覺得是多管閒事,十分煩擾,加上佢嘅囉嗦,讓人感到煩厭。

12星座, 十二星座, 性格分析

獅子座

獅子座對人慷慨,份人又熱情,雖然有領導能力,但有時卻真係以為自己係皇帝,認為別人一定要聽佢講。難頂嘅係態度高傲,總係認為自己先係啱嘅,如果別人提出疑問、或指出佢嘅錯處,佢就會死雞撐飯蓋。

處女座

處女座愛挑剔,總係見到別人嘅錯處,仲將佢放大,令人覺得係雞蛋裏挑骨頭,好嘢又唔見佢講,衰嘢就不停囉嗦抱怨。而且說話刻薄,可以批評到你一文不值。你做咩佢都潑冷水,令人好無癮。

12星座, 十二星座, 性格分析

天秤座

天秤座要扮演好人,盡量維持關係上嘅和諧,又識得遷就人,睇起嚟好和善。不過天秤嘅猶豫不決、拖拖拉拉,就相當讓人受不了。特別係你要問佢意見,或等佢作決定,就算不停催促都未必會有答案。

天蠍座

雖然不少人認為天蠍座深沉、記仇,但呢啲都唔係最難頂嘅地方。最難頂嘅,係佢咩都抱住陰謀論,總係疑神疑鬼,以為別人總係會背叛佢、傷害佢,但更多時候,都是佢諗得太多,根本唔係嗰回事。

12星座, 十二星座, 性格分析

人馬座

人馬座樂觀,平日總係嘻嘻哈哈,都令身邊嘅人感到快樂。不過,佢都真係好似一匹野馬不受控制,說話不經大腦,太過直率得罪人但不自知,然後佢又認為不滿佢嘅係都係因為佢哋太小器,總之問題就不在自己身上。

山羊座

山羊座做事踏實認真,亦相當可靠,但當佢嘅計算變成過度計較,凡事用功利角度出發,就真係好難頂。例如你同佢約會,佢可能會似見工面試一樣審問你嘅背景;你同佢去玩,佢就覺得無效益、浪費時間,令人感到很乏味。

12星座, 十二星座, 性格分析

水瓶座

水瓶座對朋友好友善,不過佢嘅飄忽實在讓人難以捉摸,例如約好咗你,突然會甩底;明明大家一向相處得好開心,他又會玩失蹤。而且佢總係我行我素,不太理會別人嘅想法同感受。

雙魚座

雙魚座睇起嚟好善良,咩都無所謂,不過有一塊玻璃心,總係覺得別人傷害自己,可能人哋只係講下笑,佢就覺得係玩針對;別人無同佢打招呼,就認為別人一定係憎咗佢,總之就咩都hurt到佢,一副受害者模樣。

<<Read More:人見人愛!4個令你人緣更好的方法>>

LOAD MORE