鄺俊宇:先抽身看清這「一腳踏兩船」男人的誠意吧!

By COSMO

鄺俊宇, 愛情問題, 第三者, 出軌

親愛的樹洞,

最近識咗個男仔,識咗無耐我哋就一齊咗,其實佢無點表達對我嘅感覺,但會主動約我,又會帶我去朋友嘅聚會,甚至會帶我出席公司嘅annual dinner,同其他人介紹我係佢女朋友,佢屋企人有事入醫院都會帶埋我去見佢成家人。

其實一路以嚟我都同自己講佢唔係認真,因為佢本身個底唔好,以前會一腳踏幾船,但佢又會主動帶我去認識佢身邊嘅人。

今晚佢終於對我坦白,承認自己同時有另一個所謂嘅「女朋友」,佢仲好似講得好合理咁,話個女仔係幫佢做家務,因為我唔做家務,大家各取所需,加上我成日都好忙,陪唔到佢,而個女仔又好鍾意佢,但佢講明個女仔係唔啱佢……聽到呢度其實正常人都知個答案係乜,就係離開呢個男人。

但係佢將我放喺一個比呢個女仔更高嘅位置,例如有咩聚會都會約我先,我唔得閒先搵佢做後備等等,去到呢度我真係唔知點做……其實我都放咗感情落去,都知道個男仔唔值得我放感情,但實際上我又唔捨得,我可以點做?

Monica

>>>下頁睇鄺俊宇回應!

鄺俊宇, 愛情問題, 第三者, 出軌

致Monica:

愛情不是選修科,不是能夠隨意配搭,然後處處逢緣,我們總得要選一主科,選好了,就全力攻讀,這樣子才能讓愛情變得最精彩。

妳是一個願意投放感情的人,但也必須遇見與妳同樣認真看待愛情的人,他或許有無盡的理由,告訴妳他身邊為何有其他的她,也不能沒有她們云云,但說穿了,若有其他人以現在進行式的存在,也代表妳沒有真正進佔他的心。

一個人的心不大,不能同時放進兩個人,他要用次序來劃分先後,也代表他未準備全心去愛一個人,起碼他未準備好去愛妳,而妳呢?卻被他這種討厭的曖昧,弄得進退失據。

若仍然能抽身,先退後一兩步,看看這男人的誠意?誠意是甚麼?是他終於為妳作出了犧牲,浪子回頭,這樣子的他,就算過往有前科,但也算值得給機會,但若然連這樣子的改變,也沒有為妳而改變,那麼沒辦法了,別把時間浪費在浪費你時間的人身上。

祝君好。

鄺俊宇

鄺俊宇

喜歡文字的議員男生,以「樹洞」之名,細聽城市的愛情,著有《愛你,若只如初見》,《有一種幸福叫忘記》,兩作品輪流登暢銷榜首名。

 
如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
 
 
LOAD MORE