拆解!情人節3大壓力來源

by juju

兩性關係, 男女關係, 情人節, 壓力

情人節本來係想戀人們雙雙慶祝戀情嘅日子,但係偏偏有唔少人為咗呢一日而搞到好大壓力,溫馨場面變咗怨恨滿載。今個情人節唔想咁樣,不如首先搵出壓力來源,再見招拆招!

壓力來源1:旁人嘅期望

兩性關係, 男女關係, 情人節, 壓力

有時壓力唔係全部來自你哋自己嘅,亦有唔少來自外面,例如當全公司女同事都收到花時,你連草都無條,自自然然會形住其他人唔知點睇你;又或者啲人總會見人就問「你今晚有咩節目?」、「你收咗咩禮物?」,呢啲來自旁人嘅壓力都唔細㗎!

抗壓:

*提醒自己:你哋想點先至係最重要

*如果真係有人以唔係幾好嘅心態問長問短,真誠咁答佢「我哋兩個鍾意簡單,見到對方已經好開心。」又或者「其實人哋點過有乜所謂,感情好嘅,食碗糖水都開心,你話係咪?」

壓力來源2:過份追求完美

 

兩性關係, 男女關係, 情人節, 壓力

壓力來源2:過份追求完美

當你事事都想做到「世界之最」,例如最浪漫、最深刻、最無瑕疵......無形嘅壓力自然會搵上門,因為呢啲「最」,好容易令人將心思放晒喺點樣plan個約會嘅各種細節上面,而忽略咗做呢啲嘢嘅原意。

抗壓:

*從簡單出發

*將焦點放喺自己兩個人身上

壓力來源3:真係好手緊!

 

兩性關係, 男女關係, 情人節, 壓力

壓力來源3:真係好手緊!

大家都知,情人節當日嘅消費係比平時貴好多!唔好講捨唔捨得花錢,而係今時今日嘅小小打工仔真係唔係個個消費得起,金錢因素都可以造成唔細嘅困擾㗎!

抗壓:

*開心見誠同另一半講,避免誤會,咁樣嘅坦誠同彼此體諒,反而有助令感情變得更深厚!

*設定禮物嘅價錢範圍。

*向handmade方面發揮,咁仲特別啦!
詳情可以參考:心意之選!情人節POP-UP咭情人節甜品教室:DIY朱古力心太軟

LOAD MORE