心理測驗:你嘅戀情為何會冷卻?

by juju

心理測驗, 愛情, 戀情, 感情, 冷卻

好多人都經歷過愛情由熱變暖,甚至冷咗落嚟、跌至冰點嘅情況,玩下呢個測驗,可能會幫你搵出戀情降溫嘅原因。

假如有一日你得罪咗天神,佢要懲罰你,將你變成某一樣嘢,有得俾你揀嘅話,你會揀變成:

A. 門口地氈

B. 吸塵機

C. 石像

D. 晾衫架


<<睇答案>>

心理測驗, 愛情, 戀情, 感情, 冷卻

分析:

答A:門口地氈

你拍拖初頭通常都好地地,但拍到咁上下時間,你會開始不自覺咁觀察對方有咩缺點,久而久之睇得越多,你就會開始有啲唔耐煩,甚至可能會一時失控狂數對方嘅不是,結果可能係大家都意興闌珊,無疾而終。

溫馨提示:人人都有優點同缺點,與其用放大鏡去睇啲唔好嘅嘢,不如用嚟睇啲好嘅嘢。

<<閱讀更多>>心理測驗:由打MESSAGE習慣睇你人生弱點!

 

心理測驗, 愛情, 戀情, 感情, 冷卻

答B:吸塵機

你份人有啲懶或遲鈍或粗心大意,當感情一穩定咗落嚟,就唔會再花太多心思去維繫、保持,以為一切都係必然嘅,對方有唔開心,你未必會留意到,即使佢開口同你講,你可能都唔會太上心,結果搞到對方忍無可忍要爆嗰陣時,可能已經為時已晚了!

溫馨提示:多啲顧慮對方感受,感情就能長長久久。

<<延伸閱讀>>同居愛人變室友?5個必睇注意事項

 

心理測驗, 愛情, 戀情, 感情, 冷卻

答C:石像

熱情係你個性嘅一部分,不過你又容易三分鐘熱度,如果你鍾意咗一個人,你會全情投入,但到人哋對你好嘞,你可能又唔稀罕,咁樣感情難以維持得長久。假如呢種情況經常出現喺你身上,你好可能錯過咗唔少好對象呢!

溫馨提示:多惜福,懷住感恩嘅心去生活,對你同你身邊所有嘅人都有益處。

<<閱讀更多>>心理測驗:甜品反映愛情期望

 

心理測驗, 愛情, 戀情, 感情, 冷卻

答D:晾衫架

你屬於長情類別,拍拖次數未必好多,但每次都維持得頗長日子。有時可能因為你太重視對方,唔想有咩衝突、差錯,所以你傾向採取忍耐嘅策略,熱情往往就喺無聲無息之間褪去。

溫馨提示:互相包容係好事,但不妨多同對方表達自己,加強溝通,咁樣大家感情可能仲好呢!有時即使兩個人對某啲事物睇法、愛好唔同,都唔一定會有唔好嘅事發生架嘛!

<<閱讀更多>>心理測驗:你在愛情上的缺點是甚麼?

LOAD MORE