對男生常見的3個誤解!

by juju

兩性關係, 誤解, 男生

人有時會俾一啲熟口熟面嘅「概念」誤導咗,例如「女生梗係點點點」、「男生又梗係鍾意點點點」,其實有時回心一諗,會發覺事實又唔一定係咁嘅,其實人人都唔同嘛!

誤解1男生覺得難追到嘅女生矜貴啲

的確有啲男生好享受追女仔嘅過程,但過程唔代表一定要上刀山、落油鑊先至為之好,如果你對佢都有意思,就無謂設計太多不可能的任務出嚟,因為咁樣佢哋都會覺得沮喪、挫敗嘅!女生想被男生珍惜,其實好簡單,做一個值得人鍚嘅女生就得啦。

兩性關係, 誤解, 男生

誤解2男生都鍾意身材好嘅女生

身材好、有無吸引力嘅定義人人都唔同,有人鍾意瘦削、有人鍾意運動型、有人鍾意葫蘆型,總之佢同得你一齊,你一定有某種吸引力,所以唔好成日喺男友面前話自己邊度唔靚、唔夠好喇!

兩性關係, 誤解, 男生

誤解3識睇波/打機嘅女生更受歡迎

對某啲男生嚟講可能係,但又唔係全部嘅,好多玩音樂嘅男生嘅女友未必識音樂, 鍾意潛水、滑浪嘅男生亦未必會以具有相同嗜好作為摘偶條件。其實男生未必在意呢啲嘢,反正打機、睇波有兄弟陪,佢哋反而關心女友係咪做緊佢自己想做嘅事多啲。

LOAD MORE