心理測驗:工作上你最著緊甚麼?

by juju

心理測驗, 工作, 愛情

打份工唔係淨係為咗賺錢嘅,人人心裏面都總有啲嘢著緊,喺工作上,你最著緊嘅又係啲乜?玩玩呢個測驗可能會知!

為咗最完美嘅愛情,要你犧牲一樣嘢,你願意犧牲以下邊樣嘢?

A. 捱窮

B. 智商變低

C. 俾親友離棄

<<閱讀更多>>辦公室抗乾燥妙法!

心理測驗, 工作, 愛情

分析:

A:福利

人工、福利、上下班時間、假期呢啲對你嚟講好重要,呢啲係你做嘢嘅原動力,如果你有被待薄嘅感覺,就會成日心裏有條刺,影響到你工作嘅熱情。

小提醒:

不妨向上司坦白提出你嘅合理要求,佢有可能會拒絕,但如果你一直收收埋埋、覺得自己被屈就咗,對工作都唔會有咩好處,反而大家溝通下,互相講出心裏嘅期望,就仲有機會討論出一個大家都舒服嘅方案。

心理測驗, 工作, 愛情

B:被賞識

你可以為事業付出好多,點捱都無問題,但係如果無人賞識,你會好無心機,日子耐咗會覺得厭倦,覺得份工唔值得你去努力,慢慢心裏團火就會熄滅。

小提醒:

以後揀工作,最好以有無得發揮為大前提,唔好俾其他條件左右咗你嘅決定,如果唔係你嘅熱情會逐漸被磨蝕殆盡。

<<閱讀更多>>自我檢查:你的心靈老化了嗎?

心理測驗, 工作, 愛情

C:安全感

可能童年經歷或者一啲唔好嘅經驗令你無乜安全感,如果而家份工唔係好穩陣,例如公司有執笠嘅危機、出糧唔準時、人事經常變動,你就會成日好擔心,甚至疑神疑鬼,因而影響工作表現。

小提醒:

對於容易不安嘅人,打工最好求穩定,咁先可以令你安心將自己發揮到最好,如果忽然心多多做咗啲冒險嘅決定,搞到好無安全感,反而會容易降低咗你嘅實力。

<<閱讀更多>>12星座邊個最易升職上位?
 

LOAD MORE