當男友陪唔到你過節......

by juju

單身, 過節

每年生日、仲有幾個大節日特別受到重視,不過唔係每對情侶都一定可以一齊過節,有啲人無乜所謂,亦有啲人覺得灰爆!如果有男友嘅你真係要一個人過,千祈唔好把悲傷留給自己呀!

假設男友嘅理由係合理嘅,例如要出trip、公眾假期要開工:

1. 諗遠啲:

發愁都無用,對大家都無好處,慳返啖氣同佢商量下點樣補返數好過,而補數呢樣嘢,最好諗啲有趣啲、大動作啲嘅點子,例如去個短旅行、上山睇日出之類,如果唔係,「補數」會好容易變咗求其食餐飯,以後一諗起就耿耿於懷。

單身, 過節

2. 積極籌組舊友聚會:

呢個對某啲人嚟講可以話係「今次發達喇!」嘅黃金機會,尤其是一啲成日無時間約朋友嘅人士,呢個會係發起舊友聯誼活動嘅一大動力!

單身, 過節

3. 各自鬆一鬆:

所謂小別勝新婚,有時兩個人一齊耐咗,過節容易變得千篇一律,偶然skip一次半次,可能反而更輕鬆。如果朋友表現詫異咁話:「哎呀!乜佢咁都陪唔到你呀?!」你可以好瀟灑咁答:「唔緊要啦,佢咁辛苦都係為咗我啫。」

LOAD MORE