同完美主義者拍拖4大注意事項!

by juju

完美主義, 拍拖, 兩性關係, 男女關係,愛情,相處之道,兩性相處

呢個世界有啲人天生追求完美,本來係好事,但如果同佢哋拍拖,就未必人人都覺得好自在,到底同完美主義者相處時需要有啲咩「特別技能」?

1. 明白佢哋:

唔好淨係覺得佢哋麻麻煩煩,試下用佢哋嘅角度去睇世界,其實佢哋都可能面對唔少掙扎同批評,呢啲都會為佢哋帶嚟唔少煩惱。

完美主義, 拍拖, 兩性關係, 男女關係,愛情,相處之道,兩性相處

2. 俾佢明白你:

不時要彼此提醒:「兩個人一齊要大家都開心。」俾佢知道你點樣先至開心,容許大家嘅唔一樣存在,不妨用幽默嘅方法去應對,例如笑下對方:「你咁得意㗎!」

3. 讚賞:

當佢好複雜咁整咗餐完美嘅晚餐、將啲衫摺到好似新買返嚟咁、將屋企打掃到一塵不染,就要俾啲正面讚賞佢,因為佢完成咗佢自己嘅要求,而且你都有得益吖!

完美主義, 拍拖, 兩性關係, 男女關係,愛情,相處之道,兩性相處

4. 劃界線:

如果佢要求啲嘢用完要擺返喺同一個位、某一個角度,你可以同佢講你會擺返好,但未必會好似佢整得咁完美;又或者佢有一套洗碗嘅標準,就要同佢表示你好樂意幫手,但你都有自己嘅一套方法;總之盡量表達、溝通,唔使下下搞到爭拗收場。如果大家同住,不妨劃出一啲屬於你或佢嘅私人角落,對方唔可以過問,例如唔可以過問對方張書枱、衣櫃,咁樣大家都有個私人空間。

<<閱讀更多>>男友惹了性病給我......

LOAD MORE