7種禮物反映不同的感情狀態!

by Juju

禮物, 聖誕, gift idea, 聖誕禮物,

大時大節,情侶間送禮物係一個緊張刺激嘅環節 (當然都有人覺得痛苦),點解份禮物咁重要?咁當然唔係越貴重=越愛啦,而係一份小小嘅禮物可能反映咗一個人對段關係嘅心態!

如果佢送呢啲俾你:

1. 勁多份:

送好多份禮物有想寵壞你嘅含意,會唔會因為段關係有啲唔平衡嘅情況出現咗,唔知點算,所以要用漁翁撒網式嘅方法去平衡返?

<<閱讀更多>>當男友陪唔到你過節
禮物, 聖誕, gift idea, 聖誕禮物,

2. 花:

喺大時大節之下,一般嚟講送花有臨急抱佛腳嘅含意,或者代表咗感情未係好深入。不過如果唔係重要節日,對方閒時會無定向送吓花,表示佢時時都記掛住你,想保存住愛情新鮮度。

3. 自製手作仔:

呢種全宇宙只此一件、要親手造嘅禮物好代表到一個人嘅個性,佢送呢啲俾你,證明佢對你好信任,唔怕喺你面前表露自己!

<<閱讀更多>>朋友歡聚,攜唔攜眷的情與義!

禮物, 聖誕, gift idea, 聖誕禮物,

4. 好耐之前提過想要嘅嘢:

佢會時時留意住你嘅需要,享受令對方開心,自己都會開心嘅樂趣。

5. 兒時至愛:

當一個人收到兒時夢寐以求嘅絕版物品,一定會開心到爆開,證明佢重視你情感上嘅需要,接受你係一個點樣嘅人。

<<閱讀更多>>心理測驗:甜品反映愛情期望

禮物, 聖誕, gift idea, 聖誕禮物,

6. 一首歌//一封信:

其實呢啲禮物並唔老套,因為係需要花唔少腦汁創作㗎!佢係有自己一套嘅人,懂得珍惜同你一齊嘅每一刻。

7. 珠寶/名錶:

呢類禮物經常受到質疑,如「係咪想用金錢買愛情?」、「係咪有嘢要贖罪?」但係送呢啲禮物嘅同時都代表咗想令對方驚喜,對方喺自己心目中值得擁有最珍貴嘅嘢。

LOAD MORE