親身分享!另一半一句激死你

by Text: Kathy Lam,edited by韋寶

兩性相處, 愛情, 男朋友, 女朋友,男女關係,兩性關係

男女嘅思維大不同,正正因為咁,好多時男生都唔理解女生嘅心思 / 想法。今次小編同3位讀者,就會一齊分享下俾另一半激到半死嘅說話,吐吐苦水!(大家不妨share呢篇文俾男友,等佢知道咁樣會激親我哋吧,當了解加深,就可以避免下次「火山爆發」喇!)

1.

兩性相處, 愛情, 男朋友, 女朋友
韋寶
年齡:24+歲
職業:Media
 

雖然我哋好少鬧交,但一聽到「我錯哂好未?」呢類晦氣說話嗰時真係幾激心架。通常喺呢啲情況,我都會盡量唔出聲,避免因為火遮眼而講出傷害性嘅說話,等彼此冷靜落嚟之後先再傾返件事,因為咁樣先可以解決問題。

<<相關閱讀>>好SWEET!5個簡單觸碰製造親暱感

2.

兩性相處, 愛情, 男朋友, 女朋友

Gloria
年齡:21歲
職業:Student
 

「哦!」相信呢句人人都嬲(都唔知叫唔叫一句添)。我心諗你想我點接你句說話先,好憎人淨係答一個字,好無禮貌,會令到我以後都唔係好想再同佢分享我嘅事。人哋咁興致勃勃咁同你分享,結果因為你無留心聽而得句「哦!」咁應我......
3.

兩性相處, 愛情, 男朋友, 女朋友
Gami
年齡:20歲
職業:Student
 

「小姐,你要嬲,我都幫唔到你。」嘩,我個心當堂碎哂加勁嬲,本身我自己已經唔開心,但佢每次都要發我脾氣先,係要發脾氣或者嬲完後先理性分析,最後先再氹我,但我嗰下已經食咗佢啲脾氣,要hurthurt咗,真係激死人!

4.

兩性相處, 愛情, 男朋友, 女朋友,男女關係,兩性關係
Elisa
年齡:23歲
職業:Salesperson
 

「你嬲咩唧?」心諗乜你唔係一直都聽緊我講嘢架咩,點解可以唔知我嬲咩,跟住個人就會仲激氣,啲男朋友永遠都唔識睇人眉頭眼額,下下都要畫公仔畫出腸,做錯嘢都唔知,傻下傻下咁。

LOAD MORE