12星座邊個最易出賣朋友?

by Text : 占星師Jupiter (www.magiclife.com.hk)

12星座, 出賣, 朋友, 人際關係

「朋友我當你一世朋友」你當人係朋友,對方卻當你係棋子。唔係人人都重視朋友,有啲人為了其他好處,總有出賣朋友的時候。睇睇12星座邊個出賣朋友的機會最高啦!

山羊座

對山羊座嚟講,人生嘅成就、事業、面子係最重要嘅事,為了要力爭上游,或者達到自己某些目的,要犧牲一些人、付出一些代價也覺得係無可厚非。如果要出賣朋友,對佢嚟講都係「需要」的。

天蠍座

天蠍座權力慾強,野心也很大,為了要達到目的,會相當拼搏同有決心,而當他被這種野心主導了,要出賣朋友都覺得係理所當然。特別係如果佢本來就不喜歡某人,索性出賣對方當報復。

<<閱讀更多>>12星座是非精排行榜!

12星座, 出賣, 朋友, 人際關係

雙子座

雙子座不像山羊及天蠍那樣誓要成功,不過雙子座係牆頭草,似古惑仔咁,其實冇咩堅定嘅立場,例如別人給他一些好處,講吓朋友嘅秘密,口疏嘅佢很容易就會爆響口,最易就係出賣朋友嘅私事同秘密。

雙魚座

雙魚座雖然心地良善,唔一定係刻意要出賣朋友,可惜雙魚座太軟弱,抵受不了別人嘅誘惑,亦唔識拒絕別人,只要有人游說佢做一啲事、講一啲人哋嘅秘密之類,雙魚座無法say no,就會半推半就咁出賣了朋友。

<<閱讀更多>>心理測驗:你識唔識為自己爭取?

 

12星座, 出賣, 朋友, 人際關係

天秤座

天秤座人際手腕很好,盡量會維持友好關係,不過就係認識太多唔同圈子嘅人,如果互相之間有咩利害衝突,天秤想維持良好關係,又唔想順得哥情失嫂意,難免會出賣一下情報以示合群,不過會有分寸,不會太離譜。

人馬座

人馬座份人冇咩機心,唔會刻意去傷害人,可惜就係唔識計算,唔識防範別人,加上心直口快,就會被人利用,不知不覺就會做了一些出賣朋友的事,自己卻懞然不知,後知後覺。

<<閱讀更多>>12星座最啱做邊個行業?

 

12星座, 出賣, 朋友, 人際關係

處女座

處女座平日看來只有挑剔沒有幾句好說話,但其實做人都幾有原則,如果認為不應該做的事,就不會去做。不過始終是個實際的人,如果計算過,有些利益,亦不會帶來太大傷害的話,少少出賣也可以的。

巨蟹座

巨蟹座係阿媽類型,對於身邊嘅人、重視嘅朋友,就當正他們係自己人,不但唔會出賣,更會盡力保護。如果發現朋友可能受傷害,更會主動去幫手,留守在對方身邊。

12星座, 出賣, 朋友, 人際關係

白羊座

白羊座嘅行為脾性係有啲似小朋友,不過做人好講義氣,就像一個戰士一樣,勇敢、坦率,會為朋友而戰,不但不會出賣朋友,更會一起並肩作戰,看不過眼更會為朋友出頭。

金牛座

金牛座平時唔多出聲,又唔火爆,但其實就好重情重義,對朋友非常忠誠,而且性格固執,堅守自己的原則,你要他出賣朋友,硬頸的他很難動搖,亦會默默為朋友付出,保護朋友。

12星座, 出賣, 朋友, 人際關係

獅子座

獅子座做人光明正大,對朋友又好忠心,因為內心嘅驕傲同自尊,認為出賣朋友非君子所為,亦係好樣衰嘅一件事。如果真係對朋友不滿,寧願直接同對方講,都唔會暗地出賣咁低莊。

水瓶座

水瓶座最重視就係朋友,而且有祟高嘅理念,認為如果為了一啲利益去出賣朋友,根本就唔係「人」,覺得實在太cheap,不屑去做。平時為了守護朋友,更是相當願意付出,兩脇插刀。

LOAD MORE