尿尿不要忍!

by Text: juju

身體, 廁所, 小便, 健康, 尿道炎,  膀胱損傷

開會、顧住覆電郵、做埋啲嘢先、工作性質問題,都會係唔少人忍住唔去小便嘅理由,不過忍得多對身體唔好,千祈唔好咁做呀!

正常情況:

* 一般成年人嘅膀胱可以載1杯半至2杯尿。

* 如果水份補充得足夠, 一日大概需要去810次小便。

* 有說女性有時可以忍36個鐘,但係如非必要,想去就應該去,亦不妨養成定時去洗手間嘅習慣。

* 健康尿液嘅顏色應該係淡黃色嘅,如果較深色,就表示要補充返多啲水份。

* 如果食咗維他命B supplement,尿液可能會變黃色,唔使咁驚嘅。

咁忍得尿多會有咩問題?
身體, 廁所, 小便, 健康, 尿道炎,  膀胱損傷

忍得多可能帶嚟嘅問題:

* 尿道炎:

經常唔飲水、忍尿,容易讓細菌滋生,可能會引起尿道炎、膀肛炎;嚴重的話,感染可能向上蔓延到腎臟,引致腎炎。由於女性嘅尿道出口同肛門位置較近,大腸桿菌有可能走到尿道,所以女性較男性易感染尿道炎,女生要特別注意喔!

>>>閱讀更多:尿道炎翻發的困擾

* 膀胱損傷:

可能會令控制膀胱收縮嘅神經受損,造成小便疼痛、去唔乾淨或尿頻等情況;如果神經嚴重受損,可能會有排唔出尿嘅情況。
身體, 廁所, 小便, 健康, 尿道炎,  膀胱損傷

解救:

如果癥狀輕微,試下多飲水、多排尿,睇下癥狀有無消退嘅跡象;但如果癥狀持續、排唔到尿、感到疼痛、發燒,就要及早睇醫生喇。

身體, 廁所, 小便, 健康, 尿道炎,  膀胱損傷

會忍到膀胱爆裂嗎?

只係較特殊嘅情況先至會出現,例如車禍、做大手術等,一般嚟講一個人如果到咗忍無可忍嘅時候,就會非自願性咁將尿液排出體外。

 

LOAD MORE