彭秀慧:女追男,也是給雙方一個機會!

By COSMO

兩性關係, 彭秀慧

Dear CG!,

我同個男同事識咗一年, 之前我都幾留意佢,但因為編更而好少接觸。呢兩個月覺得我對佢嘅好感又多咗,可惜係月尾公司飯聚時先知道嗰日係佢last day。

佢走咗之後,我打過一次電話問佢得唔得閒代我更,順便傾下偈。傾偈嗰陣又好似唔多回應我(可能温緊書或唔想同我傾)。收線之後,我WhatsApp佢話唔好意思阻咗佢咁耐同埋温書加油,佢只回"ok nvm thx"。大約十日後,我需要揾人代另一次更。佢話星期一至五都唔得閒,嗰時我諗,佢除咗表示唔得閒,會唔會暗示我唔好再揾佢呢?

我只知讀engine嘅佢平時"chur"返學温書,星期六日仲要返工同返教會。專心讀書嘅佢冇上莊,所以幫我打聽嘅朋友都愛莫能助。而且公司同事都唔太知道佢嘅嘢。

雖然同佢相處時間唔多,但總感覺佢係個思想成熟又細心嘅男仔。但係唔知佢係被動(或者「摺」?)定係對我冇興趣,總覺得佢唔多講自己啲嘢,同埋唔會主動同人傾偈(例如上次飯聚佢嚟到打完招呼,就自己坐喺一角玩手機)。

我想了解佢多啲,但又唔知用咩方法。總覺得我成日主動WhatsApp/打電話俾佢會令人生厭,但佢身邊嘅人我又唔識,好難接觸到佢。我有諗過sem break先同佢傾偈食飯,但又怕因突然揾佢而生疑。我可以點做先可以同佢保持聯絡而且keep到好嘅關係?

sorry for 1999 and thank you for your help.

ar +

兩性關係, 單戀, 彭秀慧

Dear ar +,

神女擺明有心,襄王是否有夢呢?

明顯你正在單戀他,幾次接觸,都不見得他對你有特別興趣,簡短的 “ok nvm thx” 可能是對方正在忙碌中,也有可能是暗示不欲與你多談。放心,我不會把一盆冷水向你淋;既然你對他有興趣,就先別管他覺得你如何,找個機會先讓他認識你吧。放下所有疑惑,大膽大方地出擊:如果怕直接約見面太過唐突,橋不怕舊,就約他看戲吧。首次約會去看電影,兩個人有共同目標和視線,免除陌生的尷尬;看戲後再去喝茶,起碼可以討論劇情,不怕沒有話題。慢慢觀察,再進一步表明心意。

你的心再想念他,不行動也只是得個「估」字;又想有發展,又怕他懷疑你討厭你不喜歡你,不如乾脆做多一點,是的,對方很有機會拒絕,你也要有碰灰的心理準備,但起碼不用再浪費時間在想在猜在打聽。要是對方原來生性怕醜,之前的聯絡根本沒有想過和你有甚麼可能性,你的主動就是機會的開始。

即使最後失敗,也是清清楚楚,心安理得。 

今時今日,女追男的例子多的是,又不是飛擒大咬,你不過給予自己和對方一個機會,又有甚麼好顧忌?

彭小姐

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE