編輯分享:熊本Aso Farm Land飲食篇

by 韋寶

之前同大家分享咗Aso Farm Land嘅住宿同遊樂設施(詳情:走進童話國度!夢幻的ASO FARM LAND熊本ASO FARM LAND動物園+溫泉介紹!),今次就同大家分享下呢度有咩食!

正餐方面,呢度係有唔同嘅美食,好似韓國嘢、燒肉及自助餐等。而是次小編喺呢度嘅住宿package係包咗晚餐同早餐。

先講晚餐,小編揀咗食烤肉。烤肉嘅分量唔算多,,下圖已經係二人份,所以我哋加咗1000 yen叫碟厚切煙肉。

Aso Farm Land, 飲食篇, 熊本, 燒肉, 自助餐, 好食, 推薦, 推介

本身跟餐嘅豬同牛味道ok,唔係上佳之作,但有肉味亦唔係肥淋淋嗰啲肉。

Aso Farm Land, 飲食篇, 熊本, 燒肉, 自助餐, 好食, 推薦, 推介Aso Farm Land, 飲食篇, 熊本, 燒肉, 自助餐, 好食, 推薦, 推介

至於加錢叫嘅煙肉,由於係厚切,好有咬口,味道亦好香,唔好煙肉嘅小編都覺得唔錯,鍾意煙肉嘅小編老公仲食到舔舔脷添。

Aso Farm Land, 飲食篇, 熊本, 燒肉, 自助餐, 好食, 推薦, 推介Aso Farm Land, 飲食篇, 熊本, 燒肉, 自助餐, 好食, 推薦, 推介
Aso Farm Land, 飲食篇, 熊本, 燒肉, 自助餐, 好食, 推薦, 推介

早餐就指定係自助餐,之前已經喺網上面睇過啲人話好一般,所以已經有晒心理準備。

Aso Farm Land, 飲食篇, 熊本, 燒肉, 自助餐, 好食, 推薦, 推介

的確,食物選擇唔多,個presentation亦唔吸引,不過大部分嘢食嘅味道都不過不失,最好食係鯖魚,但個咖喱飯嘅味就同平時嘅日式咖哩有啲唔同,小編就唔多鍾意啦。

至於飯後甜品同零食,CG!們唔使擔心,因為呢度有啲舖頭,不過記得留意返收舖時間呀。

Aso Farm Land, 飲食篇, 熊本, 燒肉, 自助餐, 好食, 推薦, 推介Aso Farm Land, 飲食篇, 熊本, 燒肉, 自助餐, 好食, 推薦, 推介

小編喺呢度啲舖頭食咗雪糕、雪條,仲買咗芝士批同杯麵返房做飯後甜品添!

雪糕、雪條食咗上述兩款,想知味道如何,可以參閱:編輯試食!6款日本雪糕、雪條大比併
Aso Farm Land, 飲食篇, 熊本, 燒肉, 自助餐, 好食, 推薦, 推介Aso Farm Land, 飲食篇, 熊本, 燒肉, 自助餐, 好食, 推薦, 推介

至於宵夜同甜品,就食咗杯麵同芝士批。其實杯麵係有啲九洲風味嘅選擇,不過突然好想食呢個雞仔麵(食嘅時候又好後悔唔買九州風味杯麵,因為雞仔麵個味食食下都幾寡)。

Aso Farm Land, 飲食篇, 熊本, 燒肉, 自助餐, 好食, 推薦, 推介Aso Farm Land, 飲食篇, 熊本, 燒肉, 自助餐, 好食, 推薦, 推介

至於個芝士批嘅芝士味都幾香濃,撻底略嫌唔夠脆身(純粹小編鍾意脆身啲嘅批底),唔係有咩特別或者會令人覺得驚艷,但都ok嘅。由於個批好矮身,我食完個麵,隔一陣同老公一半都食得晒個cheese tart。

網址:Aso Farm Land

LOAD MORE