編輯分享:Livenwell水玲瓏無痛人手全身通淋巴

by Karen C.

自問係一個幾水腫嘅人,不過咁耐以嚟都無試過去通淋巴,因為啲人話好痛,而我又係怕痛嘅!不過,早前得知Livenwell推出咗「水玲瓏無痛人手全身通淋巴」,見佢話係無痛,一於去試下!

呢個療程以全人手通淋巴,可以刺激血液循環,幫助排毒,同時可以紓緩肌肉酸痛。

編輯分享, Livenwell, 通淋巴, 水玲瓏無痛人手全身通淋巴

Livenwell地方雖然唔算大,亦無華麗嘅裝修,但乾淨企理就OK啦!

喺正式通淋巴之前,按摩師會先幫我「開穴位」,佢按咗我幾下,已經講到我身體有咩問題,例如佢話我肝經好硬,一定長期係夜瞓,仲話摸到我腸胃唔係幾好,而咁啱嗰幾日我腸胃又真係麻麻地。不過開穴位係會痛嘅,可能正正代表我身體有啲毛病先會痛啦!

(下頁有效果對比相)

之後就通淋巴,先通左腳,過程又真係唔痛,似平時嗰啲身體按摩,係有少少位置會覺得酸軟。通完一隻腳之後,按摩師叫我分別郁一郁兩隻腳,感覺下有咩分別,通完嘅左腳真係好明顯輕咗好多!

編輯分享, Livenwell, 通淋巴, 水玲瓏無痛人手全身通淋巴

細心啲睇,左腳小腿嗰舊肉真係細咗架。

之後就到背部、雙手、腹部位置,通完淋巴後,感覺成身都輕咗,同埋會好想去洗手間,因為身體幫你排緊多餘嘅水分,所以連頭皮都會有少少濕濕地嘅感覺。

編輯分享, Livenwell, 通淋巴, 水玲瓏無痛人手全身通淋巴

完成後,仲可以飲Livenwell自家煲嘅飲品,為身體補充水分兼滋潤一下。

Livenwell水玲瓏無痛人手全身通淋巴
價錢:HK$680/45分鐘
地址:銅鑼灣駱克道492號順禧銅鑼灣中心17
   尖沙咀加連威老道39-41號太興商業大厦602室

LOAD MORE