發現小三,唔好做嘅3件傻事!

by Text: juju

小三, 兩性問題

發現自己段感情中有第三者,係晴天霹靂,個人係會激動,但係如果失晒理智咁亂衝亂撞,傷嘅最終都係自己!
 
以下幾個動作唔少人都諗過做,不過其實做咗都未必解決到問題:
 
1. 發散攞料:
 
有人會唔放過任何線索,由好姊妹到個friend個friend個friend俾嘅料都唔放過,然後加上種種聯想,瘋狂諗前因後果、估計人哋下一步有咩部署,而喺過程中仲可能聽聽埋埋啲火上加油或者於事無補嘅說話,例如有人講:「其實之前都覺得佢唔老實......」、「其實佢都疑似approach過我......」。
 
愛自己:人哋點做點諗係自己控制範圍以外嘅事,擺精力落去只會浪費自己更多時間,不如諗下自己想點更實際。

小三, 兩性問題

2. 網絡攻擊:
 
喺自己或另一半個fb狂數對方,可能可以洩一時之憤,不過如果一時激動講咗啲之後想收返嘅嘢,到時想刪留言都未必可以刪得晒;陣間惹嚟一啲唔啱聽嘅留言或駡戰,反而將自己擺咗喺個危險位置。
 
愛自己:喺思緒唔清晰嘅情況下,最穩陣係沉着應戰,俾空位自己走盞才是上策。心事梗係留返嚟同最親近、愛護自己嘅人講啦。
3. 報復行為:
 
同fd出去飲嘢散心當然無問題,但係如果抱住報復心態,甚至搵第二個以其人之道還治其人之身,咪即係攞自己嚟搞?
 
愛自己:當自己嘅情感處於脆弱狀態時,就更加要好好守護。
 
溫馨提示:如果身邊有朋友遇到呢類感情問題,六神無主,不妨提醒佢唔好俾其他人或事牽住鼻子走,要俾空間自己整理思緒。同時,做朋友嘅,借對耳仔出嚟聽已經足夠,有時越想安慰反而越易講錯嘢。

閱讀更多:
容易俾位男友搵小三嘅3個弱點!
 
LOAD MORE