經常批評男友的負面影響!

by Text: juju

拍拖, 兩性相處, 愛情

「讚美少,批評多」係唔少人嘅通病,適度開玩笑可以當幽默,但係如果成為習慣,就容易變成百彈精,尤其是講起男友,如果次次專攞佢嘅弱點同缺點做話題,可能會影響感情。

「佢囉,粗心大意!」、「你知佢份人㗎啦......」、「唉,佢邊有咁醒吖!」呢啲說話熟口熟臉?唔係出自阿媽個口,就可能係某啲女生講自己另一半時嘅口頭禪,佢哋未必有心要踩低另一半,而係想表達佢哋關係親近,但一過咗火位,感覺就好似唔係好正面咁。點解?

1. 唔係淨係男人,人人都要面子嘅,攞佢嚟講笑一兩次ok,但成日都係咁,就會影響佢响其他人對你哋嘅觀感,試諗諗:一個人身邊最親近嘅人都經常公開批評佢,其他人又會點諗?

拍拖, 兩性相處, 愛情

2. 有啲人甚至乎喺唔熟嘅人面前講男友壞話,內容小至唔細心,大至佢喺出邊偷食!其實聽嗰個人都唔知點反應好,唔適宜俾comment之餘,又唔好意思問:「咁你仲同佢一齊?」

3. 經常被彈嗰位可能會真心嬲,亦可能變得自信心低落,兩樣都唔係好事。

CG! Reminds U
對另一半有意見,最好係私底下傾,睇下大家可以點樣一齊去改善。而且世事有時好得意嘅,反覆指出問題未必有改善,反而讚美多啲、正面啲,就樣樣嘢都好似好咗啲咁。多啲同人講讚美說話,人哋都會同你講多啲啦!

LOAD MORE