回味無窮!帝京軒大閘蟹「蟹皇美饌宴」

by 韋寶

秋天係我每年最期待嘅日子,因為呢個係食大閘蟹嘅時間呀!

帝京軒, 蟹皇美饌宴, 太湖大閘蟹帝京軒, 蟹皇美饌宴, 太湖大閘蟹

不過大閘蟹膽固醇高,唔可以食得太多,所以quota梗係要留返俾最好架啦!小編就推介帝京軒嘅「蟹皇美饌宴」,因為小編試完之後,到而家都仲回味緊!喺呢個餐你除咗可以食到兩隻每隻約重四兩半嘅新鮮太湖大閘蟹,仲有5道以蟹粉入饌嘅美食

帝京軒, 蟹皇美饌宴, 太湖大閘蟹帝京軒, 蟹皇美饌宴, 太湖大閘蟹

首先想講嘅,係平時我唔多好蟹粉菜式,因為好多時啲蟹粉都唔夠香,又或者唔足料 / 整得太杰太粉漿。呢度呢,足料,夠香,兼且個質地唔會好似粉漿咁!
帝京軒, 蟹皇美饌宴, 太湖大閘蟹

當中嘅原隻鮑魚蟹粉豆腐盒係小編嘅心水推介,豆腐盒滑溜溜,入口滿口蟹粉香,加埋原隻鮑魚,真係無敵架!

帝京軒, 蟹皇美饌宴, 太湖大閘蟹

而金箔蟹粉珍寶虎蝦皇,隻蝦蝦味濃郁兼非常彈牙,加埋啲蟹粉,唔使我講你都知有幾正吧!
帝京軒, 蟹皇美饌宴, 太湖大閘蟹

另一個令小編好驚喜嘅係薑茶小皇子蟠桃,蟠桃造型嘅湯丸,一見到已經令小編好興奮,當日湯丸入面嘅仲係小編好鍾意嘅奶皇餡啊!

最後要講嘅,係通常一個餐入面唔會每道菜都好食,不過呢度嘅就每道菜都好味,而好味當中更有非常出色嘅,所以真係值得推介架!

「蟹皇美饌宴」美食包括:

蟹粉海皇竹笙燴官燕
清蒸太湖大閘蟹(每位雄蟹兩隻 ,每隻約四兩半)
原隻鮑魚蟹粉豆腐盒
金箔蟹粉珍寶虎蝦皇
翡翠蟹粉皇帝蟹腳
蟹粉灌湯小籠包
薑茶小皇子蟠桃
士多啤梨軟糕

價錢:每位 HK$628(*套餐升級雌蟹每隻加HK$130)

供應日期:即日起至2015年11月15日

LOAD MORE