他做愛時太快「完事」……

By COSMO

做愛, 早射, 兩性問題, 性疑問, miss sex

Dear Miss Sex,

我同男友拍咗年幾拖,之前有試過想發生關係,但係唔知咩原因唔成功(未入到已經射咗or 入咗好快就射咗,可能得兩三下)之後就冇再試。

前排有機會一齊去旅行就諗住再試下,頭嗰晚試過一次幾秒就完咗,可能大家累,之後嗰幾晚我都有再挑逗下佢,錫下佢摸下佢,幫佢按摩下咁。我都做晒主動,但佢唔太想 ,之後成個旅程都冇發生過。其實我自己冇太多經驗,有問過朋友,如果個男仔鍾意個女仔正常都會想有,好難唔想,佢哋有講會唔會出面有人滿足咗佢,所以唔想搞唔想要?

想請教下係咪有啲男仔唔太需要?定我吸引力唔夠先會咁?自問身材樣貌唔算太差,其實係咪應該直接同佢講呢個問題但開口又有啲尷尬。如果要傾可以點開口講呢個話題?謝謝!

祝生活愉快!

問題少女上

做愛, 早射, 兩性問題, 性疑問, miss sex

Dear Inquisitive Innocent,

性有點似朱古力,有人好鍾意食成日想食,但亦有人食少少就覺膩,一段時間都唔想掂住。男人女人也好,當然有人性胃口特別大,有人需求keep住低水平。

觀乎你男友的情況,他很快就完事,似乎是性功能方面有待改善,多於出面有人滿足導致唔想搞。這是一個惡性循環,當男人性表現強差人意,自然對床事感到壓力,面對伴侶的攻勢,也自然想退縮和逃避。最打擊男人自信的,莫過於自己在床上無法滿足伴侶。

因此Miss Sex認為你當前要做的,並非主動挑逗,也非煞有介意攞出嚟傾,而是嘗試將「性」淡化,當你倆有機會獨處一室,先做一些沒那麼性感的親暱舉動,例如擁抱、傾計,令他不會感到太刺激而提早完事。

當他有興趣入正題,也不要讓他立即衝線,而是慢慢來,動一動停一停,盡量將性事延長。萬一他射了,告訴他:「不要緊。」而不是露出失望甚至嫌棄的神色,慢慢讓他對性重拾興趣和信心。

此外,你也可以在做愛前,自己來也好讓他幫忙也好,先達致高潮,令他無「後顧之憂」,讓他知道,滿足你不止於那話兒可以維持多久(儘管你心裏很在意,但這少少戲也要交下吧)。日子有功,相信會有起色。

女人成日嚷着要減肥,其實男人也有他的不安全感。一個愛錫伴侶的情人,首要任務是要讓對方知道:「無論你怎麼樣,我都想跟你一起。」

希望幫到你。

Love,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE