派對美食雲集!新裝city’super ifc店登場

by Text: 韋寶

平時開party,我一定會準備煙三文魚,不過當我發現咗新裝後嘅city’super國際金融中心商場店有西班牙Carpier手切煙三文魚之後,我就唔會再買普通嘅煙三文魚啦!

city’super, 新店登場, ifc, 派對美食

因為呢間店嘅煙三文魚採用獨特嘅煙燻技術同醃製工藝製成,有多達7款獨特口味俾你揀,包括紅菜頭煙三文魚、威士忌煙三文魚,咖啡三文魚及松露煙三文魚等。

小編就推介紅菜頭煙三文魚同紫菜煙三文魚,前者甜甜哋,後者味道較濃較突出,兩暫都好特別、好好食呀!

city’super, 新店登場, ifc, 派對美食city’super, 新店登場, ifc, 派對美食

此外,新店搜羅咗超過20款新鮮生蠔,包括嚟自法國嘅吉拉得蠔同紛廸加蠔等一級生蠔。當中小編就試咗特選生蠔Nr. 0,味道非常鮮甜,個after taste香到令小編想食多一打呀!

city’super, 新店登場, ifc, 派對美食city’super, 新店登場, ifc, 派對美食

仲有仲有,city’super特意喺ifc分店設置咗全球首個由法國度身訂製嘅Bellota Bellota Gijalda西班牙風乾火腿玻璃櫃。玻璃櫃嘅設計可以集中到Bellota Bellota 火腿的香氣,而且玻璃櫃有一個小洞口,只要走近就可以感受到品牌各類頂級火腿嘅香氣喇!

city’super, 新店登場, ifc, 派對美食city’super, 新店登場, ifc, 派對美食

其他唔可以錯過嘅,包括cupcake造型嘅沙律、以及用上全新烤爐烹制而成嘅法國走地燒雞!

city’super, 新店登場, ifc, 派對美食

下次開party嗰陣,嚟呢度走一轉,就可以買齊所有party food啦!

city’super, 新店登場, ifc, 派對美食

仲有呀,裝修後嘅city’super國際金融中心商場店有部自助試酒機,詳情可以睇睇:CG! Instagram片段。只要喺wine & sake counter度買片中張卡(價錢:$100、$300、$500),就可以試飲啲酒喇(每款酒價錢不同)!

city’super, 新店登場, ifc, 派對美食

此外,新店仲有個獨家優惠,佢就係呢個ROYCE’ 朱古力火鍋套裝啦。現凡購物滿港幣 $600 或以上 ,即可獲贈限量版 Royce’ 朱古力火鍋套裝 。(連 2支叉及 1根蠟燭、國際金融中心店限量 290 套)

city’super國際金融中心商場店

地址:中環國際金融中心商場1樓

營業時間:早上10時至晚上10時

電話:2736 3866

LOAD MORE