彭秀慧:盲目的愛情讓人看不到真相!

By COSMO

彭秀慧, 兩性關係, 愛情問題, 愛情信箱, 拍拖, 分手

Hi, 

今次寫信係想問下意見嘅,男仔L係同事,我哋識咗一年。一年前我同佢都係同男/女朋友啱啱分手,之後曖昧咗一排,但最尾大家都係同返前度一齊,跟住成年都冇聯絡。

事隔一年,我哋又開始曖昧,今次仲要發生咗關係。後來,我同男朋友分咗手。其實我有唔開心,但我唔想太依賴L,所以我同另一個男仔發展,但最尾發現自己鐘意嘅都係L,所以我同個男仔分手。

最近,L都同女朋友分咗手。但佢話而家唔想拍拖想單身,叫我唔好等。但從L友人口中得知,L曾經同朋友傾過話不如同我一齊,但佢朋友覺得我唔係適合同佢拍長拖嘅人,因為喺中間個段期間我同另一個男仔一齊過,所以好快可以鐘意一個人。我知佢一定係鐘意我,但佢不斷表明唔會同我一齊,亦唔信我係適合佢嘅人。佢話想單身、唔適合、錯時間。

我真係好鐘意佢,呢幾個月一時又同自己講放棄,但係有時佢又會問我真係鐘意佢咩/有冇掛住佢,跟住又會開始諗我哋之間啲嘢。佢真係唔想同我拍拖,定係覺得會冇安全感?

可唔可以俾啲意見我?T__T

心急人上

彭秀慧, 兩性關係, 愛情問題, 愛情信箱, 拍拖, 分手

心急人:

兩次機會,他也分別選擇回到舊女友身邊或者「寧願單身唔拍拖」,明明已經告訴你,他「想單身、唔適合、錯時間」,叫你不要等,為甚麼你還是不信,覺得這不是事實?你又有甚麼證據證明他喜歡你?是因為他曾經和你發生關係?是因為他和你曖昧時所說過的甜言蜜語?還是因為某一個朋友的說話?即使他真的喜歡你,喜歡的程度還是不足以和你一起啊,你明白嗎?你聽到嗎?你收到嗎?

愛情會令人盲目,喜歡一個人時會「選擇性」相信一些自己想要的答案,你接受不了他對你無感覺,接受不了他不夠喜歡你,所以「夾硬」為他增加苦衷,也不過是想讓自己好過一點,同時,也有可能是對方想讓你好過一點而加添的藉口。

其實答案一早已經出現,但既然你不相信,我的意見是,請你盡全力去追求他,向佢表明你有多認真對待關係,而且非常非常喜歡他,以求破解你所聽到他對你的誤解,如果你依然不能夠打動他,他依然不想和你開始,依然藉口覺得對你沒有安全感,自己有心魔,對愛情有陰影,未能放低過去,想一個人靜下,希望專心工作,覺得自己不適合拍拖……(我還可以為他再加一百個理由),你應該死心。File Closed.

盲目的愛情讓人看不到真相,或者,這就是愛情信箱存在的原因,等一個不相干的局外人來對你來一個當頭棒喝吧。

彭小姐

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE