親身分享!男朋友最乞人憎嘅moment

by Text: Kathy Lam, edited by韋寶

兩性關係. 愛情問題, 黑人憎, 男朋友

喺人同人之間嘅相處當中,有磨擦係必然嘅事。所以一對再好、再sweet嘅情侶,都總有覺得對方乞人憎嘅時候!今次CG!就搵嚟4位女生,親身同大家分享下幾時係男朋友最乞人憎嘅moment!

1.

兩性關係. 愛情問題, 黑人憎, 男朋友
Rayco
年齡:23歲
職業:Freelance
 

佢乜都話冇所謂,成日都要我諗食乜,淨係話:「我負責車你」咁就算。佢真係好懶,乜都懶得諗,淨係得我諗,去邊又係我諗,食乜又係要我諗,好煩。佢又怕去人多嘅地方,一多人就好多嘢講,好似旺角、尖沙咀就一定唔會去,唉。

2.

兩性關係. 愛情問題, 黑人憎, 男朋友
Chloe
年齡:20歲
職業:Student
 

每次鬧交嘅時候佢都即刻轉身走人,又唔聽我講,次次都係我追返佢,嗌極又唔停,搞到好似我先係男朋友咁。同埋女仔有咩都想第一時間同男朋友分享,但佢只係會「噢!」、「好!」,無其他反應,真係會好冇癮,之後又話我唔同佢講,但我每次講佢都無乜回應,想點先?!

3.

兩性關係. 愛情問題, 黑人憎, 男朋友
Chim
年齡:20歲
職業:Baker store assistant
 

做嘢冇交帶!明明同我講喺屋企,咁我以為佢得閒先打俾佢,點知佢冇同我講就出咗街同朋友去玩同飲酒,跟住又唔聽電話,過咗好耐先至搵到佢,搞到人又擔心又嬲。同埋佢成日應承我啲嘢都唔記得,好失望,因為女仔對承諾都好着緊嘛。:(

4.

兩性關係. 愛情問題, 黑人憎, 男朋友
Manji
年齡:20歲
職業:Teacher
 

成日淨係掛住打機唔理人,傾電話又唔肯傾,話冇時間、好忙。到我嬲嗰陣,佢又話我嬲。其實我只不過係想佢陪我多啲,打少一陣機而已,咁我就會開心返啦。

LOAD MORE