編輯分享:印面油好物推介!

by Karen C.

小編屬混合性偏乾嘅膚質,T字位經常出油,所以一定要常備面油紙,以免油光滿面嚇親人!而對於印面油嘅產品,最近嘅心水推介係:TATCHA美妝日式面油紙beautyblender美肌吸油定妝蛋blotterazzi™!

1. TATCHA美妝日式面油紙(價錢:HK$75/30片)

面油, 面油紙, TATCHA,化妝工具, TATCHA美妝日式面油紙

簡介:以100%充滿堅實柔韌纖維的麻蕉葉 (Abaca leaf)製成,具有強效的吸收能力及柔韌度。每張面油紙上均印由金箔工場出產的真金金箔,具殺菌作用及特強的吸油力。

面油, 面油紙, TATCHA,化妝工具, TATCHA美妝日式面油紙

面油紙size頗大,足夠全面使用。

面油, 面油紙, TATCHA,化妝工具, TATCHA美妝日式面油紙

面油紙上嘅金箔。

用後感:
我用過好多唔同牌子嘅面油紙,有平有貴,有啲嘅吸油能力低,有啲用完又好乾。而TATCHA呢款面油紙效果真係唔錯,吸油能力高之餘,又唔會令塊面好乾,而且又唔會整甩個妝,輕輕印幾下,印走多餘面油脂及汗水,跟住直接補妝都OK!

銷售點:
JOYCE BEAUTY、連卡佛及TATCHA.com

2. beautyblender美肌吸油定妝蛋blotterazzi™ (價錢:HK$180)

面油, 面油紙, beautyblender, 化妝工具, beautyblender美肌吸油定妝蛋blotterazzi

簡介:產品配合革命性研製概念,將傳統面油紙功能加上專利物料大玩crossover,集眾多項優點於一蛋,達至「美肌」、「吸油」、「定妝」一TAKE過的效果。

面油, 面油紙, beautyblender, 化妝工具, beautyblender美肌吸油定妝蛋blotterazzi面油, 面油紙, beautyblender, 化妝工具, beautyblender美肌吸油定妝蛋blotterazzi

吸油定妝蛋一盒內設兩片氣墊,可方便清洗更換,而且更連鏡子,非常貼心。

面油, 面油紙, beautyblender, 化妝工具, beautyblender美肌吸油定妝蛋blotterazzi面油, 面油紙, beautyblender, 化妝工具, beautyblender美肌吸油定妝蛋blotterazzi

蛋形設計,闊身部分可以負責大面積吸油,而上面尖尖嘅位置及邊位就可以對付暗位,例如鼻翼位置。

用後感:
平時塊面出油,個妝可能都會溶溶地,甚至有啲粉會浮出,令底妝變得唔均勻,用呢個吸油定妝蛋吸走面油嘅同時,亦可以將唔均勻嘅粉底印返勻,解決咗浮粉嘅尷尬問題!而且每次用完可以清洗,循環再用,比較環保。

呢款產品不含乳膠成份,敏感肌膚人士都可以安心使用!

銷售點:
JOYCE BEAUTY

LOAD MORE