12星座追求攻略!

by Text : 占星師Jupiter (www.magiclife.com.hk)

12星座, 追求, 愛情, 十二星座, 性格

要追求一個人,要佢留意到你、對你有好感,當然要啱佢胃口,投其所好。一齊睇吓如果要追求唔同星座嘅人,究竟要留意啲咩!

白羊座

白羊座係本身好有自信,亦喜歡比自己更強嘅人,喺佢面前,絕不能表現出婆媽柔弱,要表現出自己有主見、有才能,白羊才會欣賞。而且白羊好怕人扭扭擰擰,喜歡就坦白咁表現出來,唔好玩暗戀曖昧。

金牛座

金牛座比較慢熱怕醜,唔能夠太心急,要多啲耐性同時間跟金牛熟絡,俾佢有安全感、信任你,先好打算進一步發展。金牛喜歡美食、藝術、香氣,從呢啲活動/禮物入手,表現出你嘅品味,金牛就會對你加分。

12星座, 追求, 愛情, 十二星座, 性格

雙子座

要追求雙子,真係少啲才能都唔得,雙子鍾意變化,人又聰明,你一定要預備好多有趣嘅話題,無論天南地北,都要同佢傾得到,最好就係講啲佢唔知唔識嘅事,佢先會覺得你好玩、欣賞你,否則會悶死佢。

巨蟹座

巨蟹座自我保護力強,又較為傳統,所以切忌太急進,否則會嚇壞佢。巨蟹座重視家庭,所以你要表現出你係一個顧家嘅人,例如show下自己同屋企人影嘅相、講下自己同家人嘅有趣事,巨蟹會like爆。

12星座, 追求, 愛情, 十二星座, 性格
獅子座

要追求獅子座,係有啲難度,佢自尊心強,又係女王,要俾面子佢,聽佢嘅話,但又唔可以咩都遷就佢,變成咗奴隸,佢又會睇唔起你。你要等佢feel到有面子、受尊重,同時表現自己嘅強勢、才華,佢先會注意你。


處女座

處女座挑剔就係人都知,所以你要追求佢,就要有被挑剔、嫌三嫌四嘅準備。如果你受得到,之後就要表現你嘅聰明、學識,因為處女座唔需要浪漫,你都唔好扮豪,佢只會覺得你係浪費,重點係你要有才華同學識。

12星座, 追求, 愛情, 十二星座, 性格

天秤座

天秤座重視人際嘅溝通同交流,例如大家可以就住一啲議題去討論,如果天秤覺得同你啱channel,自然會增加對你嘅好感。天秤座都好重視美感,所以你必須注意自己嘅打扮,唔可以太「爛撻撻」,都要識得一啲浪漫,先可以過關。


天蠍座

天蠍座睇起嚟好神秘,如果同你未熟落之前,根本就唔會對你講任何私人事,如果你太心急步步進迫,天蠍覺得危險,分分鐘唔再理你。要多花心思時間同佢相處,俾佢相信你,表現出你嘅忠誠,佢先會慢慢打開佢嘅心。

12星座, 追求, 愛情, 十二星座, 性格
人馬座

人馬座愛熱鬧愛玩,你要等佢覺得同你一起,生活可以更豐富,可以帶佢到處冒險,探索呢個世界。唔好以為同人馬座只顧玩就得,佢都好重視你嘅思想說話係咪有深度同智慧,千祈唔好俾佢覺得你膚淺,咁就可以KO你了。


山羊座

要追求山羊座呢,真係要相當實際,唔使搞咩花臣,最緊要你個「CV」夠靚,例如成績好、有前途、有經濟基礎、有上進心事業心。追山羊座的確有啲似見工,但鬼叫你中意佢咩,係要俾啲實力出嚟。

12星座, 追求, 愛情, 十二星座, 性格
水瓶座

對於水瓶座,真係要有較高超嘅技巧,否則佢對你忽冷忽熱、突然失蹤,都會令你打退堂鼓。首先,你要好聰明,可以跟得上佢奇怪又快速嘅思考,然後,唔可以表現得太着緊,有時吊下佢胃口,咁就更容易成功。


雙魚座

要追求雙魚座呢,唔難,只要多搞啲浪漫、講啲甜言蜜語,用溫柔貼心嘅攻勢就得。不過,難度在於,雙魚座一方面看似接受你,另一方面又好似暖昧唔確定,搞到你頭都暈,甚至之後加多句「只係當你係好朋友」,真係冇計!

LOAD MORE