如何讓過去的戀情增值未來?

by Text: juju

愛情, 舊愛, 愛情問題

一段過去咗、刻骨銘心嘅感情,可以喺一個人嘅生命中縈縈繞繞,即使已經唔會日日惦掛,當中嘅甜酸苦辣偶爾會忽然來襲,一言難盡。呢啲深刻嘅回憶之所以反復重現,可能係提醒我哋經此一役應該點樣去愛。

過去嘅經已過去,假如嗰段感情當時冇開花結果,除咗追悔婉惜,仲可以從中抽取寶貴嘅經驗,變做滋養往後戀愛嘅花肥,咁樣至唔會辜負咗付出過嘅愛。

*搵出乜嘢吸引自己:

回憶起那段曾經嘅時候,諗下你最鍾意啲咩?直情坐低逐項寫低佢,以後遇到其他人,就可以更集中咁去留意佢哋具備多少令你快樂嘅因子。

愛情, 舊愛, 愛情問題

* 學習遠離啲咩:

同一道理,諗下當時令你最難受嘅係咩處境?例如嗰個佢洗腳唔抹腳嘅,令人好冇安全感;或者佢一發脾氣就連恐怖份子都怕咗佢;又或者,如果有啲事係自己處理得唔好,就提醒自己以後唔再俾自己陷入相同嘅困境。

CG! 溫馨提示:愛過痛過,就俾刻骨銘心嘅愛成為陪你成長嘅一部分,就好似耕種咁,呢粒種子冇開花,但會化成營養,滋養另一粒種子萌芽、長高,千祈唔好俾佢變成負面嘅絆腳石喔!

LOAD MORE