5招打救喉嚨痛!

by Text: juju

常見問題, 注意事項, 身體健康, 喉嚨痛, 喉糖, 飲水, 暖蜜糖, 醫生

喉嚨痛呢家嘢,真係好困擾人,會搞到人食嘢冇晒心機,甚至連嘢都唔想講。其實唔少日常順手拈來嘅嘢都係紓緩症狀嘅法寶,唔好唔記得搵佢哋幫手呀!

1. 暖鹽水嗽口:

資料顯示,一日用暖鹽水嗽口/喉嚨幾次,除咗有助消,仲可以將啲細菌、刺激物沖走。

2. 含喉糖:

好多時醫生都會開啲喉糖俾我哋食,唔好以為食喉糖無用。雖然佢哋唔可以直接醫好喉嚨痛或感冒,但係含住喉糖可以刺激口水分泌,幫助保持喉嚨濕潤,暫時紓緩痛楚。而含有薄荷成分嘅喉糖除咗有鎮靜效果,據說仲有抗炎作用。

常見問題, 注意事項, 身體健康, 喉嚨痛, 喉糖, 飲水, 暖蜜糖, 醫生

3. 飲夠水:

保持身體嘅水分含量好重要,尤其係當你身體唔舒服嘅時候,咁先可以幫身體同啲細菌、致敏物鬥過。點先為之飲得足夠?就係尿尿嘅顏色呈透明或淺黃色。

4. 暖蜜糖茶:

如果飲水飲到口寡寡,不妨飲暖茶,可有效紓緩喉嚨痛楚,無論係紅茶、綠茶、草本茶均可,而且據講茶葉裏面含有抗氧化物添。加啲蜜糖入暖茶中飲用都係唔錯嘅選擇,有研究指出蜜糖可以紓暖上呼吸道感染症狀,仲有助傷口癒合,直接飲暖蜜糖水都得!

常見問題, 注意事項, 身體健康, 喉嚨痛, 喉糖, 飲水, 暖蜜糖, 醫生

5. 湯水:

喉龍痛得緊要時要吞固體食物的確唔係幾好受,不妨用湯水代替,等身體吸收返啲營養。平時阿媽叫極你都唔飲,呢個時候就要識寶飲多啲喇!

CG! Reminds U:
下次喉嚨痕痕地、痛痛地,把聲沙沙地嘅時候,不妨試下用呢啲方法去紓緩。喉嚨痛通常係感冒嘅癥狀之一,有時可能仲會影響埋聲帶,亦可能係身體有其他問題,如果痛得緊要或痛好耐都冇好轉就要去見醫生喇!

<<更多健康Tips>>從便便了解身體狀況

LOAD MORE