睡前7件事!改善睡眠質素

by Lulu T.

瞓覺, 健康生活, 生活, 睡眠品質, 失眠, 都市病, 香港人, 放鬆神經, 舒緩

人一日有1/3嘅時間都喺度瞓覺(有啲人得1/4,即6小時),睡眠品質唔單止對大腦運作以及身體健康嘅影響相當重要,充足嘅睡眠甚至可以減緩心靈同身體嘅疼痛感,唔怪得咁多人頭痛身痛,都係唔夠瞓惹嘅禍囉!

香港人生活忙碌,瞓唔夠實唔會有時間補眠,所以一定要爭取時間盡快瞓著。每晚瞓落床都要碌幾碌,等一陣先瞓得著?只要睡前做好以下7件事,就可以話瞓就瞓喇!

01. 有啲人睡前飲上一杯熱牛奶有助入眠,但夜晚飲奶易肥胖,可以飲蜜糖水代替,糖水可以喺體內轉化為大量血清素,抑制大腦皮層而易入睡。

瞓覺, 健康生活, 生活, 睡眠品質, 失眠, 都市病, 香港人, 放鬆神經, 舒緩

02. 有啲人因為缺乏安全感所以難入睡,可以試下攬個攬枕之類嘅嘢。如果怕黑,就喺床前放個小夜燈。

03. 有人習慣睡前睇書,如果想快啲入睡,建議準備一本自己認為枯燥至極嘅書,認真睇幾頁自然就想瞓啦。

04.  睡前喺床度做3-5分鐘小運動,例如:抬腿、拉筋、空中踩單車等。

瞓覺, 健康生活, 生活, 睡眠品質, 失眠, 都市病, 香港人, 放鬆神經, 舒緩

05. 睡前1個鐘浸返個20分鐘熱水澡,可以放鬆緊張神經、紓緩疲勞,仲可以洗走身上嘅汗液,降低體溫,幫助入睡。

06. 睡前必須放低自己嘅憤怒、委屈同妒忌等負面情緒;天黑後,腦入面最好淨係諗啲開心嘅事。

07.  聽講莫扎特嘅音樂最有治療失眠嘅功效。佢可以令血壓同脈搏正常,降低神經緊張。

LOAD MORE