去男友屋企過夜的5個守則!

by juju

男朋友, 兩性關係, 愛情問題, 拍拖, 拍拖注意事項, 過夜, 屈蛇, 留宿

有啲小情侶偶然會喺對方屋企過夜,甚至非正式咁作短、中、長期逗留,如果對方係同屋企人一齊住嘅,就有更加多嘢要注意,因為咁樣唔係淨係喺另一半間房過夜,而係喺佢其他家庭成員嘅居所留宿。

1. 唔好屈蛇

雖然你可能大部分時間都留喺另一半間房裏面,但係都總要出出入入,去下廁所、廚房,如果之前無正式同佢屋企人打過招呼,俾心理準備佢哋你會喺度出現,隨時會發生尷尬場面。就算你唔介意人哋見到你頭髮亂了,人哋都可能唔想俾你見到佢著住睡衣個樣,所以最好都係請另一半同佢屋企人溝通,表明你會喺度借宿。

男朋友, 兩性關係, 愛情問題, 拍拖, 拍拖注意事項, 過夜, 屈蛇, 留宿

2. 客氣唔怕多

就算已經同佢全家人都好熟,「唔該」、「多謝」呢啲禮貌唔慳得,食完飯幫手執嘢、洗碗等家事要主動幫忙,唔好奉旨做小姐/大爺。久唔久帶啲手信上去,以表謝意。至於洗底衫褲呢啲嘢,就唔好假手於人喇,最好自己洗/帶返屋企洗。

3. 互相尊重

留意下人哋屋企有咩規矩,例如入屋除咗鞋要擺喺邊、邊啲電掣要關、邊啲唔使關等,盡量唔好影響到人,減少產生磨擦嘅機會,畢竟相見好,同住又係另一回事。

男朋友, 兩性關係, 愛情問題, 拍拖, 拍拖注意事項, 過夜, 屈蛇, 留宿

4. 遠離爭拗

如果遇上人哋家人有爭執,唔好隨便俾意見,最好避一避風頭,俾佢哋自己解決問題好喇。

5. 唔勉強

如果對方有屋企人唔太歡迎客人留宿,下次就無謂勉強,亦唔使太介懷,對方未必係唔鍾意你,可能只係唔慣屋企多咗個人啫。

LOAD MORE