同事約會要小心!

by Text: juju

兩性關係, 男女關係, 同事約會, 八卦, 辦公室戀情

打工仔女喺公司嘅時間隨時多過喺屋企,單身男女對某同事產生咗好感一啲都唔出奇,如果發展到約會,就要小心處理,唔好俾自己嘅感情生活成為公司仝人茶餘飯後八卦嘅話題。

如果你有可能和同事約會:

1. 慎選約會對象,觀察過對方有潛質發展落去先好決定開展正式約會,例如喺啲大圍聚會把握機會了解佢多啲。

兩性關係, 男女關係, 同事約會, 八卦, 辦公室戀情

2. 清楚對方嘅為人,同對方有保持低調嘅共識,如果約會對象把口超疏,咁你都幾難唔成為被八卦嘅對象。

3.  保持低調,就算你幾開心、有幾囉囉攣都好,都唔好隨便同其他同事講,始終你哋關係未定,陣間約會兩三次之後發現發展唔到落去,就無謂啦。

兩性關係, 男女關係, 同事約會, 八卦, 辦公室戀情

4. 約會時,以多了解對方為目標,盡量避免過多嘅身體接觸,免得如果發展唔成,仲要日日碰口碰面就尷尬喇。

CG! Tips:

和同事約會前要三思,免得俾人誤會你亂搞男女關係。

LOAD MORE