周末hea之選!九龍城 Oslo Cafe

by 韋寶

九龍城, Oslo Cafe, cafe, 多士盒, Toast box 九龍城, Oslo Cafe, cafe, 多士盒, Toast box

唔知大家之前有無俾Oslo Cafe嘅多士盒洗版呢?小編就有喇,咁到底好唔好食?

九龍城, Oslo Cafe, cafe, 週末好去處

九龍城, Oslo Cafe, cafe, 週末好去處

呢度嘅環境都幾舒服,咸食以西式為主,小編就試咗玉子野菌煙肉卷、蜜糖雞翼同全日早餐特選。
九龍城, Oslo Cafe, cafe, 蜜糖雞翼

蜜糖雞翼($ 38)

蜜糖雞翼一上檯已經香氣撲鼻,食落外層香脆,雞肉亦好嫩滑,隔離檯都跟我哋叫咗一碟!

九龍城, Oslo Cafe, cafe, all day breakfast, 野菌煙肉卷

野菌煙肉卷($ 68)

野菌煙肉卷同樣好好味,啲蛋係半熟嘅,煙肉唔乾又唔嚡口,入面仲卷住咗啲菇,不錯!

九龍城, Oslo Cafe, cafe, all day breakfast, 全日早餐

全日早餐特選 ($ 98)

至於好多人都鍾意食嘅all day breadfast,小編最欣賞係德國腸、煙肉同雜菌炒蛋:德國腸唔會好咸,脆皮嘅口感加上少許香草味,唔錯!煙肉同樣唔乾又唔嚡口,至於雜菌炒蛋就好有家的感覺!美中不足係牛角包唔脆咯。
九龍城, Oslo Cafe, cafe, 多士盒, Toast box, 甜品, 石板街多士盒九龍城, Oslo Cafe, cafe, 多士盒, Toast box, 甜品, 士多啤梨多士盒

左:石板街多士盒($ 88);右:士多啤梨多士盒 ($ 88)

呢兩款多士盒都係用丹麥麵包嚟整,就咁食已經夠味,所以加埋雪糕就甜咗啲,同埋外層個多士盒質感較硬,反而入面啲多士粒口感不錯,脆得嚟又唔會硬。

九龍城, Oslo Cafe, cafe, 士多啤梨奶昔

士多啤梨奶昔($ 58)

佢嘅味道無我想像中咁人工,因為有加入新鮮士多啤梨整出嚟呀!

Oslo (九龍城)
地址 : 九龍城南角道15號地舖
電話 : 2811 9926

LOAD MORE