盛夏花之北海道

by TEXT & PHOTO: Viviy

由稻草卷堆成的稻草熊人。

連綿的丘陵配上藍天,北海道夏天限定。

大片大片的向日葵花田可以俾遊客行入去,又有觀景臺可以行上去影相,想高抄定係融入花中都冇問題!

睇唔到薰衣草,都可以一試薰衣草味軟雪糕。

連綿的花海,遠處就係上富良野Flower land嘅觀景涼亭。

除了花卉外,夏天更係日本水果當造之時,花田中更可以歎甜到爆汁的日本蜜瓜,幸福感爆燈。

北海道最多的動物之一──灰熊!「熊出沒注意」字眼就係由此而來。

四季彩之丘花田吸引,相中伯伯就帶埋隻日本柴犬做model。

點解叫彩之丘?看圖就明啦。

日本北海道風景靚就聽得多,親身在盛夏去一次,更加係每個旅人都會感到不枉此行!

北海道的夏天除了無限寬廣的藍天,一定要去富良野美瑛嘅花田睇花!整個富良野由連綿起伏的丘陵連貫着,而區內更係有唔少大大小小嘅花田。由春天去到秋都有唔同繁花盛放,不過講到最引人注目,一定係每年夏天嘅薰衣草以及向日葵最受歡迎。美瑛有眾多花田,今次先來到上富良野Flower land,這裏有着花期最長的花田,由6月開始薰衣草開始滿山頭地盛放,去到7月底都可以見到靚爆花田。可惜今次8月頭來到,薰衣草已進入枯萎階段,但就可以見到盛放的向日葵花田,而且盛夏限定!

離開Flower land ,轉場去到四季彩之丘,呢度嘅花田佔地7公頃,七彩的花朵更係沿着起伏嘅丘陵好似波浪般生長,呢邊一片薰衣草,另一邊就係波斯菊,放眼望去就係一片起伏嘅彩色景緻,配上清澈藍天,絕對心曠神怡!

上富良野Flower land

地址:上富良野町西5線北27號
電話:0167-45-9480
交通:從JR上富良野站開車約10分鐘

四季彩之丘

地址:美瑛町新星第三
電話:0166-95-2758
交通:從上富良野Flower land開車約15分鐘

 

LOAD MORE