每月一痛Dos & Don'ts

by juju

月經, 經痛, M痛, 女性, 日常生活, 經期, 女性健康, 健康

唔少女生都投訴有經痛嘅困擾,除咗搵方法即時紓緩之外,最實際都係從日常生活習慣入手,當身心有返個平衡,呢啲問題就自己會減少!

Dos

1. 加暖:飲暖水或熱水對緩解經痛有幫助,佢哋可增加血液流到皮膚,令肌肉放鬆。有啲人係無凍飲不歡嘅,呢個時候,最好話俾身邊嘅姊妹知你經期到,等佢哋喺你想叫凍飲時俾啲壓力你!

月經, 經痛, M痛, 女性, 日常生活, 經期, 女性健康, 健康

2. 攝取鈣:有紓緩作用,乳製品(假如對乳製品無敏感)、杏仁、芝麻、綠葉蔬菜等都含有豐富嘅鈣質。

3. 運動:做啲唔係太劇烈嘅運動,例如散步、瑜珈(某啲動作老師會提你經期時避免做)、行山等,等腦部釋放快樂荷爾蒙,或者做啲冥想呼吸練習都有幫助。有啲女生經期一嚟就唔想郁(明嘅),但係越唔郁,身體血液就越唔循環,就越周身唔舒服,就算起身落街行吓、活動吓手腳,都會覺得好啲㗎!

月經, 經痛, M痛, 女性, 日常生活, 經期, 女性健康, 健康

Dont's

1. 攝取咖啡因:咖啡因會擴大血糖同荷爾蒙嘅不穩定性,令人越加忟憎,所以經期時最好減少攝取咖啡因,含咖啡因嘅飲品包括咖啡、茶、可可等,不妨以無咖啡因咖啡、薄荷茶、熱檸檬水代替,平時久唔久都叫呢啲嚟飲吓,飲慣咗,到經期時無得飲平時嘅至愛,都不至於太失落。

2. 食太多鹽:攝取太多鹽份,容易引致水腫、胸脹等問題。

月經, 經痛, M痛, 女性, 日常生活, 經期, 女性健康, 健康

3. 放縱亂食:喺呢啲moment,我哋好容易會縱容自己狂食啲無益食物嚟減壓,其實呢個時期尤其要攝取均衡嘅營養先啱,舉例一餐裏面有糙米(含維他命B6)、橄欖油、西蘭花(含維他命E)、雞肉/魚肉(含鐵質),就已經唔錯啦。

*如果經期問題好嚴重/唔尋常,就一定要同醫生商量吓。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE