3個去黑頭的正確方法!

by lulu T.

清黑頭, 毛孔, 皮膚清潔, 草莓鼻, 面膜

對於黑頭,不少人都抱着「唔做唔錯」嘅心態,認為只要一清走黑色點點,毛孔就會變得粗大,寧願咩都唔做,用粉底遮醜就算。

其實,當你發現「草莓鼻」嘅時候就代表住你嘅毛孔已經變大咗。黑頭通常出現喺額頭、鼻子等部位,當油脂腺受到刺激、天氣悶熱等因素時,就會導致毛孔張開,皮膚狂出油。過剩油脂混合埋老、廢角質堵塞喺毛孔內,加上空氣中嘅塵埃、污垢同氧化作用,最後成為黑色小點。暴露喺空氣中嘅表面會呈現出黑色,形成黑頭。假如唔處理,毛孔長期被硬物堵塞,會因此而漸漸失去彈性,要回復毛孔細緻就難上加難啦!

所以,有問題一定要即時解決,唔好拖延呀!到底點樣去黑頭最有效又可以防止毛孔粗大?

清黑頭, 毛孔, 皮膚清潔, 草莓鼻, 面膜

01. 擠壓式:

無論用手指或用刺針擠黑頭,都好有快感(唔怕痛的話),不過亦好易導致毛囊發炎,令毛孔受損變大。

正確方法:首毛,絕對唔建議用手指擠黑頭,因為雙手多細菌。用刺針的話,使用前必須用酒精消毒,並且要先以幼鹽按摩皮膚,清除老化角質,洗臉後用化妝水敷臉5分鐘,讓角質軟化,咁樣黑頭會較易浮出來,只要輕刮就可以去除。

清黑頭, 毛孔, 皮膚清潔, 草莓鼻, 面膜

02. 深層清潔面膜:

含有高嶺土、活性炭之類成分嘅深層清潔面膜具有吸附功能,能將黑頭吸附出皮膚表面,保持毛孔暢通。雖然每一次唔可以清走全部黑頭,成效較慢,但刺激性低,唔會擴大毛孔,且定期使用的話,黑頭都會減少。

清黑頭, 毛孔, 皮膚清潔, 草莓鼻, 面膜

03. 潔膚油+按摩:

以荷荷巴油做基礎油嘅潔膚油分子小,能夠滲入毛孔,加上適當按摩,可以將毛孔內嘅污垢輕輕推出來,雖然要花多一點時間,但效果明顯,而且不傷皮膚。

醒目提示:無論用任何方法,清除黑頭前,最好先蒸一蒸面,令毛孔自然張開,如果皮膚敏感者,可以只蒸鼻子部分,不但有助清潔,更有助排出毒素,所以,洗澡後係清黑頭嘅最佳時機。完成後,可以用冰凍化妝水敷於鼻和T字部位,鎮靜皮膚,幫助收縮毛孔,令肌膚更緊緻。

LOAD MORE