12星座職場相處之道!

by Text : 占星師Jupiter (www.magiclife.com.hk)

12星座, 十二星座, 職場, 辦公室, 相處之道, 人際關係

喺職場當中要成功,除咗要有實力外,人際關係都好重要。跟唔同星座合作,如果可以了解相處之道,一定會事半功倍。

白羊座

白羊座做事快手快腳,無咩耐性,同白羊座合作,一定要跟得上佢嘅步伐,否則佢就會好唔耐煩。而且佢都會比較急燥,不滿就直接發脾氣,不過發完就無事,唔使太上心,不過都唔好火上加油。

金牛座

金牛座做事好謹慎,凡事都會好認真咁check清楚,所以有時佢多問你幾句,想去確認一啲事情,唔好覺得麻煩,佢只係小心為上。另外,佢做事節奏比較慢,唔好催促佢,要俾佢足夠嘅時間。

12星座, 十二星座, 職場, 辦公室, 相處之道, 人際關係

雙子座

同雙子座做同事,最好多啲搵話題,有助大家聯絡感情。不過雙子有時實在太八卦,如果有啲事情要保密,或一啲你嘅私人事,就算你同佢幾friend都好,都唔好俾佢知道,否則好易全公司都知。

巨蟹座

巨蟹座喺公司當中,係大家嘅媽媽,見你有咩需要,會立即想辦法幫忙。其實他係出於好心,亦唔求啲咩回報,只要你表示感激,唔好「老奉」,佢覺得受到尊重,以後就會好樂意咁繼續幫你。

十二星座, 12星座, 性格, 排行榜, 職場, 朋友, 欺善怕惡

獅子座

對住獅子座同事,將佢當係小朋友就得啦。佢鍾意人哋嘅稱讚,無論係佢嘅工作能力,定係佢嘅外表打扮,咩都好,只要你懂得讚吓佢,之後你叫佢做任何事,佢都會好開心咁去做。最忌就係落佢面,佢會嬲死你的。

處女座

處女座喺公司中一般都比較低調,實事求是、認真、嚴謹,佢可能唔會同你打交道,如果你做嘅事出錯,佢會不留情面咁直接指出。不過佢都係對事不對人,唔好太敏感以為係針對你,好好咁將工作做好就得啦。

12星座, 十二星座, 職場, 辦公室, 相處之道, 人際關係

天秤座

同天秤座合作,最緊要公平,即係佢幫咗你忙、你賣佢一個人情,日後適當嘅時候,佢有需要你都要幫忙,有來有往。天秤座的確係猶疑不決,所以有咩事要佢作決定,要逼一逼佢,否則有排都未搞掂。

天蠍座

無論天蠍座對你係擺出友善嘅態度,定係冷漠嘅樣子,都記住佢十分重視自己嘅私隱同私人生活,大家既然係同事,就唔好去八卦佢嘅私事,否則佢唔鍾意你,日後有意無意會俾你一啲麻煩。

12星座, 十二星座, 職場, 辦公室, 相處之道, 人際關係

人馬座

對住人馬座嘅同事,要輕鬆啲,偶爾講吓笑,比較易打好關係。人馬座做事係有啲粗心大意,所以佢俾你一啲重要文件訊息,最好多加覆核一次,以免出錯。而你需要啲意見的話,人馬嘅遠見可以幫到你。

山羊座

山羊座工作時候係超認真、超正經嘅,就算你同佢私下係朋友,記得公還公,私還私,工作時唔好似熟賣熟,亦要分好尊卑階級,呢啲都係山羊座好重視嘅地方。總之對住山羊同事,保持認真專業就得啦。

十二星座, 12星座, 性格, 排行榜, 職場, 朋友, 欺善怕惡

水瓶座

水瓶座做事不按理出牌,有時你覺得佢不按規矩做事,說話有時又幾串,而且他好討厭轉數慢嘅人。所以對住水瓶同事,真係要好醒目,亦要懂得隨時變通,先可以同佢溝通得到。

雙魚座

雙魚座對人可以好友善,但喺工作方面,的確有時係模模糊糊,你問佢A佢會答你B嘅嘢,又或總係掛一漏萬。對於佢,你自己頭腦要保持清晰,否則好容易被佢搞到更混亂。

LOAD MORE