貓迷至愛!PAUL & JOE秋季限量彩妝系列

by Tina Chong

講起PAUL & JOE 呢個品牌,一定會聯想到產品包裝上嘅可愛,而呢個品牌今年都繼續以咪作為主角,加上以巴黎咖啡廳為靈感,推出秋季CAFÉ PARISIEN限量彩妝系列

PAUL & JOE, 秋季CAFÉ PARISIEN限量彩妝系列, AW15, 彩妝, 限量, 眼影, 貓

限量版旋渦眼影(價錢:$ 250/款)

喺眼妝方面,品牌推出咗三款限量版嘅旋渦眼影,個旋渦圖案好似咖啡上面嘅奶流啊!顏色方面就有咖啡色、粉紅奶白色同粉橙焦糖色選擇,配合秋冬之意。

PAUL & JOE, 秋季CAFÉ PARISIEN限量彩妝系列, AW15, 彩妝, 限量, 唇膏,  貓PAUL & JOE, 秋季CAFÉ PARISIEN限量彩妝系列, AW15, 彩妝, 限量, 唇膏,  貓

限量咪唇膏芯(價錢:$ 200/款)

而唇膏就真係不得了啦!唇膏芯運用咗獨特嘅日本糖果製造技術,將咪圖案整咗上去,實在係太可愛啦!具三款限量色調嘅唇膏有潤膚嘅可可油同荷荷芭油,仲有保濕同防過敏嘅白百合精華,咁就唔使驚秋季天氣令嘴唇變得乾燥啦。

PAUL & JOE, 秋季CAFÉ PARISIEN限量彩妝系列, AW15, 彩妝, 限量, 胭脂, 貓

限量版雙色胭脂芯(價錢:$ 200/款)

系列中仲首次推出秋季限量版雙色胭脂,靈感原來係來自法國嘅甜點,例如:草莓雪糕同蘋果白蘭地特濃咖啡,創作出一共三個限量色調,配合唔同風格嘅妝容。

PAUL & JOE, 秋季CAFÉ PARISIEN限量彩妝系列, AW15, 彩妝, 限量, 唇膏,  貓

限量版印花外盒(價錢:$ 100/個)

PAUL & JOE, 秋季CAFÉ PARISIEN限量彩妝系列, AW15, 彩妝, 限量, 唇膏,  貓

限量版印花唇膏筒(價錢:$ 100/個)

如果你真係好鍾意PAUL & JOE 嘅包裝設計,你仲可以買埋佢哋嘅印花外盒同唇膏筒,返屋企慢慢mix and match。其中一款有超得意嘅咪圖案,係迷必買之選!

優先發售日期:2015年8月10日至8月16日(適用於尖沙咀麼地道K11藝術購物館、旺角朗豪坊、屯門V-City 及沙田連城廣場PAUL & JOE 美容專門店及PAUL & JOE網上購物平台)

公開發售日期:2015年8月17日

LOAD MORE