鄺俊宇:修補感情需要雙方的付出!

By COSMO

鄺俊宇, 愛情問題, 兩性關係, 修補, 分手, 挽留, 感情

Dear CG!,

我同男朋友一齊咗差不多兩年,同佢四個月前分開咗。當時我哋嗌咗好大場交,最後分手收場,我點補救佢都唔肯再一齊返。其實我哋仲愛着大家,分開左咁耐因為同校所以都會日日見到佢。我哋分開後由冷戰,到開始講返嘢,keep住有WhatsApp,見面時候仲會有講有笑。

我都有同佢講過會等佢,而佢嘅答案一直都好模稜兩可,只係除咗分手嗰日佢有講過:若然到時畢業後大家都放唔低佢會返嚟,之後就再冇明確咁答我好定唔好。

鄺俊宇, 愛情問題, 兩性關係, 修補, 分手, 挽留, 感情

分手嘅原因係因為佢覺得喺學業同家庭方面壓力好大,我當時無及時體諒佢,結果佢壓力大到想分手。我都好後悔,我知道當初係我一時任性,唔識去體諒佢,反而令佢受傷。其實佢一直都好錫我,我哋一齊嘅時候都好開心好幸福,佢係一個責任心好重、好體貼嘅男仔,但係好多時有嘢都收埋唔肯講,都唔慣將心入面嗰句講出嚟。

分開咗之後,我哋都好似無離開過對方咁,分開咗但係唔肯離場。喺呢段時間我哋嘅關係反反覆覆,遠遠近近,但係始終雙方都仲着緊大家。

直至最近一次問佢,佢話覺得大家當初吵架太多,唔識得再去遷就,返唔到去以前。我話咁我今次真係放低了。佢話好,佢都唔想拖住我。我問佢仲鍾唔鍾意我,佢話唔敢肯定答我,淨係話會care我嘅嘢。

鄺俊宇, 愛情問題, 兩性關係, 修補, 分手, 挽留, 感情

同佢對望嘅時候,好單純可以感覺到我哋都仲鍾意對方。我想挽回,因為我知道一段感情得來不易,佢都有同我講會因為失去呢段感情而傷心、喊同唔捨得,但係佢始終覺得之前壓力太大,而家咁樣冇咁大壓力。

其實我知道係我錯,我會為佢而改,因為我知之前係我太任性先會咁。我話好怕見到佢同第二個一齊,佢同我講佢短時間都唔會同第二個一齊,因為知我會唔開心,佢都唔想見到我咁快同第二個一齊。

其實兩個人都仲鍾意對方,我覺得咁樣放手好可惜……如果再俾多次機會我,我會更加學懂點去愛佢同珍惜佢。我應唔應該等到畢業,睇吓佢到時點諗,肯唔肯再俾多次機會我哋,定而家就放低?如果我應該挽留嘅話,我可以點做令佢有返信心、令佢覺得同我一齊唔再咁大壓力?

Thank you so much!

啊啤

鄺俊宇, 愛情問題, 兩性關係, 修補, 分手, 挽留, 感情

覆「啊啤」的信:

玻璃杯碎裂了,按着破裂處,水暫時不漏,但難保水最終溜走,要修補破裂處才能止水的流失,那麼妳的杯子能修補嗎?要看玻璃杯碎裂的程度,以及他會否願意陪妳一同去修補,兩個人,缺一不可。

妳跟他現在的關係很曖昧,水還未流乾,但不代表永恆停在這,他起初跟妳分開了,如沒有充足的原因,實在難以說服他回頭,對他來說,換隻新杯子,不就是最乾脆俐落的事情嗎?

妳要做的事,是要讓他知道這隻杯有多珍貴,這隻杯是妳跟他兩年來的故事,當中的白開水是妳跟他累積的愛情,除非杯破裂得太過份,不然的話,能修補的何必要放棄它?

妳說妳願意為他改,為他而遷就,這是發自內心的想法嗎?沒有人絕對啱,絕對錯,造成玻璃杯的破裂,雙方都有責任,如果走散了再走近,本身是一份緣份,但有緣無份的故事太多,妳能做的事情,是盡力牽起他對跟妳過去兩年以來的牽掛,如果他有一絲不捨,才有機會讓舊愛重燃,但有心理準備,這過程或許很長,更可能到頭來會徒勞無功。

只是如果妳真的愛他,不試一次認真的挽留他,妳根本不知道自己可以往哪裏走。

如果快到達一些重要的日子,例如紀念日等等,就給自己定個期限,在那些時候作一次挽留,我指的是打動人心的挽留,就算成功或失敗,起碼對得住自己,對得住愛情。

祝君好。

鄺俊宇

鄺俊宇

喜歡文字的議員男生,以「樹洞」之名,細聽城市的愛情,著有《愛你,若只如初見》,《有一種幸福叫忘記》,兩作品輪流登暢銷榜首名。

 
如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE