第一次做愛無流血,正常嗎?

By COSMO

兩性關係, 性愛, 做愛, 第一次, 初夜, 處女, 處女膜

Dear Miss Sex,

我同男朋友一齊咗一年,第一次俾咗佢,但嗰次嚟緊M但無血出。

有日佢突然話第一次應該有血,話唔介意我講真話俾佢聽,但我真係無講過大話, 當時覺得好似講咩都無用咁。

想問第一次係咪一定有血?我應該點解釋氹返佢?

同埋佢因為工作而成日唔喺香港,我哋好少見,而家好似唔知講咩咁。

Sara

兩性關係, 性愛, 做愛, 第一次, 初夜, 處女, 處女膜

Dear Sassy Sara,

Miss Sex有一點想釐清一下:既然第一次做的時候嚟緊M,咁點知無落紅?須知道有啲女仔破處,只係流好少血甚至淡淡粉紅嘅血,你男友可能miss咗都唔知。

況且,唔係個個女仔第一次都會見血的,例如有啲女仔處女膜組織比較少,開口比較大,咁可能入咗都無整穿到,或整穿咗都無血流出嚟;又例如女孩子可能因為劇烈運動而唔小心整穿咗薄薄既處女膜;甚至有女仔根本天生沒有處女膜

在遠古時代,像你這種無辜女子可能會離婚或被亂石掟死的,於是有啲新娘子不得不搵舊海綿浸定動物血以防萬一。曾經,初夜有無落紅係決定女子生死的事。

不過,而家係咩年代?醫學咁昌明,你做咩要花心神解釋自己嘅清白呢?開口埋口都「應該」,實情係,第一次沒有甚麼係必然發生的,你照直講就已經足夠。

反而,Miss Sex內心有更深層嘅懷疑:你男友係咪喺度借題發揮?問題根本不在有無見血,而是你倆之間有無足夠嘅愛同信任。尤其你提到兩人唔係經常見面,令Miss Sex不禁有點擔憂。

The truth is out there.

Love,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE