Timing有無得計?

by juju

兩性關係, 愛情問題, 拍拖, 時機, Timing, 情侶

相愛、分手都同timing有關?可惜世上無一部timing探測機,時機一到就提我哋「go ahead啦!」、「等等先」,要知timing啱唔啱,好靠個人夠唔夠了解自己。

時機到未?其實都有跡可尋嘅:

1. 了解自己度:有時我哋見同期嘅朋友已經拍拖、結婚、生仔,就自然而然覺得自己都差唔多係時候,但咁樣未必代表自己已經準備好。到底自己準備好未,最實際係諗吓自己係咪對某件事喺精神上同實際上夠能力應付、負到責任?

兩性關係, 愛情問題, 拍拖, 時機, Timing, 情侶

2. 生活狀態:一個人目前嘅生活狀態會直接影響愛情關係,例如日日都要瘋狂OT、屋企有啲事需要你投放好多時間、個人有啲大問題未解決等,都主宰住你點去處理一段感情。

3. 成熟度:個人成熟程度好影響我哋可以為一段關係做到啲咩,如果你遇上有潛質成為另一半嘅人,但嗰刻未有足夠的成熟度去應付段感情將會面對嘅事,咁就可惜喇!

兩性關係, 愛情問題, 拍拖, 時機, Timing, 情侶

4. 人生目標:人嘅要求同需要會隨住人生階段、經歷而轉變,如果你正值搏殺期,想做到某啲個人目標先settle down,咁就要不時提住自己點去分輕重;如果談戀愛,最好慎選一個明白你、支持你嘅對象,否則好易會累人累己。

如果知道自己好ready先去開始新感情,條路好可能會行得暢順啲,不過愛情呢回事唔係話計就計得準,亦都好睇對象嘅狀態,喺愛情裏面,仲有愛與包容,無論決定進入咩感情階段,都要記住從愛出發喔!

LOAD MORE