心理測驗:你內心潛藏嘅最大恐懼係……

by juju

心理測驗, 內心, 恐懼, 性格, 性格分析

恐懼係人生最大嘅敵人,認清咗你嘅敵人,就知道可以點樣對付佢!玩玩以下測驗,睇吓喺你人生裏面,最驚嘅係乜?

傍晚你一個人出去散步,忽然間見到有個人向住你裸跑緊,你會心諗:

A. 死暴露狂,睇污糟我對眼!

B. 係咪青山走出嚟?

C. 佢會唔會係俾人追殺緊?

D. 佢係咪無錢買衫着?

心理測驗, 內心, 恐懼, 性格, 性格分析

分析:

選A:最怕愛錯人

你比較重視個人感覺,對自己好誠實,對於愛情,你喺各方面都追求完美,包括價值觀、精神上嘅契合,所以你最怕就係愛錯人,或者同咗愛情觀同你唔同嘅人一齊!只要感覺唔啱,你好難忍受同一個達唔到你理想嘅人一齊,你會覺得好痛苦。

選B:責任令人恐懼

就係因為你份人太有責任感,成日孭太多嘢上身,你先會怕咗「責任」呢兩個字。責任感令你好大壓力,越諗越多,越諗就越多嘢驚,而且你好清楚自己係嗰種一旦孭咗飛就會擔當到底嘅人,所以有時如果無乜信心,你唔會隨便應承人哋嘅要求。

心理測驗, 內心, 恐懼, 性格, 性格分析

選C:乜都驚

你個性無乜安全感又易鑽牛角尖,好容易會諗多咗,拍拖又驚自己唔夠好,驚俾人嫌棄;做嘢又驚自己唔夠叻、唔夠經驗,久唔久仲會懷疑自己係咪就嚟俾人炒。其實有時諗咁多都無用架,盡咗力做好每件事,問心無愧就夠架喇!

選D:最怕無錢

你有時會諗太多假設性嘅問題,而且每次都係向衰嗰個方向發展,未買樓又驚買貴買錯,買咗樓又驚佢跌價;公司無人工加又擔心,有得加又驚加得少……總之同錢有關嘅嘢,都可以令你不安。錢係好重要嘅,但係如果擔心嘅嘢,發生嘅機會仲低過中六合彩,盡量諗少啲,對自己好啲!

LOAD MORE