嗜甜女生惡耗!一日只可攝取5茶匙糖?!

by juju

健康生活, 健康, 糖分, 日常生活, 糖攝取量, 甜吃, 甜品, 游離糖

世界衛生組織新制定嘅《成人和兒童糖攝入量指南》建議喺整個生命歷程中減少游離糖攝入量,建議減至攝入總熱量嘅10%以內,如果可減至5%,會對健康帶嚟更多好處!唔少嗜甜女生聽到呢個消息都嚇到花容失色!唔好緊張住,聽吓醫生俾你嘅貼心建議先!

咩係游離糖

游離糖包括由生產商、廚師或消費者喺食品裏面添加嘅單糖同雙糖,同埋天然存在喺蜂蜜、糖漿、果汁同濃縮果汁嘅糖分游離糖同喺新鮮水果、蔬果裏面嘅內源性糖唔同,因為未有報告證據顯示內源性糖對健康有咩副作用,所以世衛嘅建議唔適用喺新鮮水果同蔬菜嘅內源性糖攝入。

健康生活, 健康, 糖分, 日常生活, 糖攝取量, 甜吃, 甜品, 游離糖

5%即係一日幾多?

以成人每日熱量攝取2,000卡路里為例,5%攝取量即25克,大約係5茶匙。以坊間俾你熱飲加嘅糖包為例,一包約重11克,即有接近3茶匙糖。

講到呢度,可能唔少嗜甜女生都擔心豬喇,以下係歐陽英傑醫生俾你嘅真心意見:

白糖有咩唔好?

「經精製嘅糖升糖指數高,即係話喺消化過程中迅速分解,將葡萄糖迅速釋放到循環系統,咁一下子谷高咗血糖,會對胰臟造成巨大壓力,可能會引致糖尿病。加上而家加工食物多,一般人運動量又少,喺此消彼長嘅情況下,對身體嘅影響就大咗。」

健康生活, 健康, 糖分, 日常生活, 糖攝取量, 甜吃, 甜品, 游離糖

而家好常用原糖,係咪好啲?

「經過越少精製過程嘅糖食咗入身體之後,由於結構本身比較複雜,身體要做多啲嘢去消化同吸收,相比起經精製嘅糖,升糖指數無咁高。情況就好似糙米同白米咁,前者要多啲時間去消化、分解,加上當中嘅纖維又多啲,所以相對健康。」

咁代糖呢?

「始終代糖大部分由化學物質組成,長期食用,唔知道幾十年後會唔會話對身體造成啲咩影響,都係嗰句:唔好追求甜味追求得咁緊要。」

健康生活, 健康, 糖分, 日常生活, 糖攝取量, 甜吃, 甜品, 游離糖

如果有日日都食甜品嘅習慣,點算?

「咁就真係要戒吓,慢慢由一日一次減到一星期一次啦,一下子要完全清心寡慾係好難嘅,所以最好俾啲目標自己,例如唔使一次過戒哂所有甜吃,而係由戒某一樣經常食嘅甜嘢開始,舉例用烏龍茶代替汽水,做到一段時間之後,你會發現身體真係唔同啲架。」

鳴謝:歐陽英傑醫生

LOAD MORE