去旅行先嚟唔舒服,點解決?

by juju

旅行, 旅遊,  出國, 貼士, 常見問題, 注意事項

原本高高興興去旅行,點知去5日唔舒服咗3日,係最煞風景嘅事!有啲旅行常見嘅身體問題,係可以預早作出準備,亦有即時解救嘅小偏方,等你唔使做玩都玩得無心機嘅慘慘豬!

1. 肚瀉:

水肚不服係旅途中常見嘅問題,每年外遊嘅人,平均有20%至50%都會遇到呢個問題。

解救:記得補充大量水分!除咗一定要帶備腸胃藥之外,可試試喺當地超級市場買薑、檸檬及玉桂,然後沖水飲,有調理腸胃作用,仲要記住少食刺激、酸辣食物。

2. 時差:

人會攰、免疫力下降,甚至有輕微抑鬱。

解救:俾自己照多啲陽光,有助身體調節褪黑激素水平(褪黑激素係腦內分泌嘅一種荷爾蒙,人體嘅褪黑激素會隨24小時週期性變化,夜間升高、白天下降,所以又被稱作「黑暗荷爾蒙」)。飲薄荷茶或甘菊茶會瞓得好啲。

旅行, 旅遊,  出國, 貼士, 常見問題, 注意事項

3. 曬燶豬:

同陽光玩遊戲,一唔留神就變咗燒豬,搞到又痛又甩皮就慘喇!

解救:帶足夠防曬度嘅用品係必須!記得補搽,唔好懶!如果真係曬傷咗,唔好沖熱水涼,飲多啲水,搽蘆薈啫喱或補濕lotion都有紓緩作用。

4. 暈車/船浪:

坐船、長途車都易中招,會頭暈、作嘔作悶,甚至真係嘔,都幾辛苦吓!

解救:如果明知自己易暈浪,出門一定要帶定暈浪丸,上船/車前食。如果搭船,坐上層,望住水平線;如果搭車,坐前座,都可紓緩症狀。另外,飲薑茶都有舒緩作用。

旅行, 旅遊,  出國, 貼士, 常見問題, 注意事項

5. 呼吸道感染:

即係一般感冒,病癥係流鼻水、發燒、肌肉痠痛等。

解救:帶定退燒、感冒藥、維他命C出門,去到陌生國度先撲去買,硬係無咁放心嘅。想要天然啲,可以叫啲多洋蔥同蒜頭嘅嘢嚟食,佢哋係天然嘅抗生素;用暖鹽水嗽口可紓緩喉嚨痛。多飲水,如果發高燒就要去睇醫生喇!

6. 蚊咬:

惹蚊嘅人可以俾蚊咬到好慘,著短褲都無哂心機,最怕係染上登革熱就麻煩喇。

解救:要去郊野的話,記得噴蚊怕水,著長袖衫褲,如果要喺野外過夜,就更加要向負責人要求落蚊帳。擺啲蒜頭片、黑胡椒、薰衣草喺窗邊都有助驅蚊。

LOAD MORE