女生天生鍾意幽默男

by juju

兩性關係. 愛情問題, 擇偶條件, 幽默, 男朋友, 笑話

不時有男生慨嘆:啲女生硬係受啲「有幽默感」嘅男生吸引,令佢哋啲「無咁talk得」嘅「市場」收窄。其實唔怪得啲女生嘅,因為原來女生個腦天生係對「幽默」較敏感㗎!

點解女生覺得有幽默感、識令佢哋笑嘅男生吸引啲?有研究指出,關於笑話對腦部嘅刺激,女生嘅反應係大過男生嘅。研究人員請嚟22個由6至13歲嘅小男生同小女生,俾啲搞笑片段、「正面」片段、中性片段佢哋睇,同時觀察佢哋嘅腦部活動。結果顯示,小女生睇搞笑片段時,腦部某些部分比小男生活躍;而小男生對正面片段嘅反應就較強烈。

兩性關係. 愛情問題, 擇偶條件, 幽默, 男朋友, 笑話

呢個可能就係女生揀伴侶時,有時都幾注重對方有無幽默感嘅原因。有真幽默感嘅人,或多或少俾人較有智慧嘅感覺。雖然講得笑或者識講笑嘅人係易得人歡心,但世上無幾多個黃子華,人人都有唔同嘅強項,一樣可以好有吸引力嘅!

LOAD MORE