「再見不是朋友」的4大好處!

by juju

愛情問題, 兩性關係, 情侶, 分手, 朋友

唔少人都話做唔成情人都可以做返朋友,其實呢啲嘢都要睇情況,唔係人人都啱做返朋友,唔做朋友亦唔一定代表小器,最緊要自己舒服、唔勉強!其實分手之後唔做返朋友都有好處㗎!

分手即變朋友

當兩個人不再相愛,做返朋友唔係問題,只要呢個係雙方嘅意願,但點都要啲時間去協調,呢頭分手,嗰頭就即刻扮無事、好似大家從來無親密過咁,影帝都分分鐘被考起。而且有啲情況係好難做返朋友,例如段感情其中一方已經去到對住對方一分鐘都嫌多嘅地步。

愛情問題, 兩性關係, 情侶, 分手, 朋友

有時決定唔做返朋友反而輕鬆自在,同個人大唔大方無關。

大家從此bye bye嘅好處包括:

1. 你第日同邊個拍拖唔使同ex交待,免除哂任何尷尷尬尬;同樣地,第日佢有咗新女友,你都唔使扮無嘢(有時因為種種原因,心裏有啲感受都係人之常情嚟)。

2. 如果情況係你仲係唔捨得佢,但明知喺返埋一齊都無乜好結果,仲繼續做朋友,好容易令你難以向前走,尤其係有啲分咗手嘅舊情人好多時都戒唔到一啲比普通朋友親密嘅動作、行為;唔做朋友,反而少個牽絆,幫你將前路嘅焦點放返喺自己身上。

愛情問題, 兩性關係, 情侶, 分手, 朋友

3. 如果個舊情人只會為你嘅生活帶來負面嘅嘢,咁將佢喺你嘅生活中剔走,當然係一件好事!

4. 你唔使同新男友解釋你同ex之前、目前同以後嘅關係,慳返唔少口水。

兩個人不能再愛下去了,最重要係睇吓從中學到啲咩,等自己下次可以好好去愛。有啲情侶之間有唔少common friends,呢一點會影響到佢哋分唔分手、做唔做返朋友嘅決定。無論如何,唔好勉強自己,如果嗰啲係你哋兩個真正嘅朋友,佢哋自然會慢慢協調出一套新嘅相處模式,俾啲信心佢哋,俾啲信心自己!

LOAD MORE