請注意「情路」安全!

by juju

兩性關係, 愛情, 男女關係, 愛情路

喺鬧市中行路,你有無俾前面一路行一路掛住睇電話嘅人,或者前面似乎行得好迷惘嘅人阻住過?甚至發生咗一啲小意外?當一個人唔專注,一路行去某個目的地,一路又心多多咁同時想做其他事,或者行行吓先企喺路中間四圍望唔知想去邊,咁梗係要花更多時間先去到目的地啦,有時仲會唔覺意影響到其他人添!

幻想吓一個人行自己條情路都係咁行法,一時又想一心二用,一時又舉棋不定,一時又望返轉頭,過程中就梗係容易多阻滯!當發現自己條路無人哋咁順風順水時,先唔好怨命住,諗吓自己行出第一步時,係咪已經好清楚自己想點?行咩路線?

兩性關係, 愛情, 男女關係, 愛情路

如果鍾意一路行一路玩,唔係唔得嘅,最緊要知道風險同承擔到可能發生嘅後果,同埋唔好影響到其他人。如果行行吓發現行錯路要轉線,咁當然無可厚非啦,但係最好搞清楚路線圖先重新上路,免得再行冤枉路,不妨暫時行埋一邊搵個位諗清楚,唔識路問吓信得過嘅人都ok,不過都係嗰句:注意安全。

LOAD MORE